18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
ԱՄՆ-ը Եվրոպա կուղարկի մինչև 3000 պահեստազորայինի․ Ջո Բայդեն
Քաղաքականություն
14.07.2023 | 14:15
ԱՄՆ նախագահ Ջո Բայդենը Պենտագոնին լիազորել է շուրջ 3000 պահեստային զինծառայողների տեղակայել Եվրոպայում՝ Ուկրաինայում Ռուսաստանի պատերազմի ֆոնին։ Այս մասին հայտնում է CNN-ը։
Եվրոպայում տեղակայված է ավելի քան 100,000 ամերիկյան զինվորական։ Նրանց թիվն ավելացել է 2022 թվականի փետրվարին Ուկրաինա ռուսական ներխուժումից հետո։
Նոր հրամանի համաձայն՝ պահեստազորայինները կմասնակցեն «Atlantic Resolve» գործողությանը՝ ռոտացիոն տեղակայում, որն ուժեղացնում է ՆԱՏՕ-ի արևելյան թևը:
Վերջերս ստորագրված գործադիր հրամանը Atlantic Resolve-ը սահմանում է որպես արտակարգ գործողություն, որը պահեստազորայիններին տալիս է նույն արտոնությունները, ինչ զորակոչիկներին: Բացի այդ, սա թույլ է տալիս Պենտագոնին ավելի շատ ուժեր և միջոցներ ուղարկել՝ օգնելու ԱՄՆ-ի եվրոպական հրամանատարությանը:
Սպասվում է, որ պահեստազորայինների գործուղումը կտևի մոտ վեց ամիս։ Լրացուցիչ զորքերը, հավանաբար, կաշխատեն նյութատեխնիկական ապահովման և աջակցության կամ բժշկական ոլորտներում:
Հիշեցնենք, որ 2022 թվականին Ջո Բայդենն ասել էր, որ ԱՄՆ լրացուցիչ զորքերը երկար ժամանակ կլինեն Եվրոպայում։
Տաթև Ֆռանգյան
