18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
«Վիտալի Բալասանյանը ձերբակալվել է խուզարկության պահին իշխանության ներկայացուցչի նկատմամբ բռնություն գործադրելու հիմքով». Արցախի «Արդարություն» խմբակցության ղեկավար
Քաղաքականություն
14.07.2023 | 01:20
Արցախի ԱԽ նախկին քարտուղար Վիտալի Բալասանյանը ձերբակալված է, նրա մարմնի վրա առկա են բազմաթիվ վնասվածքներ: Այս մասին ահազանգել է Բալասանյանի շահերի պաշտպանությունը ստանձնած փաստաբան Ռաֆայել Մարտիորսյանը:
Ավելի վաղ տեղեկություն էր տարածվել, որ իրավապահները խուզարկություն են իրականացրել Բալասանյանի տանը, որից հետո նրան ձերբակալել են:
ԱՀ Ազգային ժողովի Արցախի «Արդարություն» խմբակցության ղեկավար Դավիթ Գալստյանը Factor.am-ին փոխանցեց, որ Բալասանյանը ձերբակալվել է խուզարկության պահին իշխանության ներկայացուցչի նկատմամբ բռնություն գործադրելու հիմքով: Իսկ թե ինչ գործի շրջանակում են խուզարկել Բալասանյանի տունը, հայտնի չէ:
Ըստ նախնական տեղեկությունների՝ գործը, որի շրջանակում խուզարկություն է իրականացվել, քննվում է Արցախի ԱԱԾ-ում, սակայն ԱՀ ԱԱԾ-ից հրաժարվեցին պատասխանել մեր հարցերին:
Արաքս Մամուլյան
