Շվեդիայի բարձրագույն դատարանն արգելափակել է Թուրքիայի կողմից հետախուզվող երկու անձանց արտահանձնումը

Լուրեր

21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
Բոլորը

Շվեդիայի բարձրագույն դատարանը հայտարարել է, որ արգելափակում է Թուրքիայի կողմից հետախուզվողների արտահանձնումը, որոնց Անկարան մեղադրում է Գյուլենական շարժման մեջ ներգրավված լինելու համար, գրում է AFP-ն։

Այս որոշումը կայացվել է մի քանի օր անց այն բանից հետո, երբ Թուրքիայի նախագահ Ռեջեփ Թայիփ Էրդողանը հայտարարել էր, որ համաձայն է ՆԱՏՕ-ին Շվեդիայի անդամակցությանը։ Սակայն նա նշել էր, որ երկիրը չի կարողանա վավերացնել Շվեդիայի հայտը առնվազն մինչև հոկտեմբեր, երբ Թուրքիայի խորհրդարանը կվերադառնա ամառային արձակուրդից։

Երկու գործերը վերաբերում էին Գյուլենական շարժման անդամ լինելու համար հետախուզվող անձանց, որոնց Էրդողանը մեղադրում էր 2016 թվականի հուլիսին արյունալի հեղաշրջման կազմակերպման մեջ:

Ըստ դատարանի՝ Թուրքիայի կողմից ներկայացված ապացույցն այն է, որ երկուսն էլ ներբեռնել են գաղտնագրված հաղորդակցության հավելված, որն օգտագործվել է խմբավորման անդամների կողմից, որն Անկարան ահաբեկչական խմբավորում է ճանաչել:

«Մի դեպքում արտահանձնումը պահանջվում է ազատազրկման դատապարտման համար, իսկ մյուս դեպքում՝ քրեական հետապնդում իրականացնելու նպատակով: Շվեդիայի Կառավարությանն ուղղված իր կարծիքում Գերագույն դատարանը բացատրել է, որ երկու դեպքում էլ արտահանձնման համար խոչընդոտներ կան»,- ասվում է դատարանի հայտարարության մեջ:

Դատարանը նշում  է, որ ըստ Շվեդիայի օրենսդրության՝ արտահանձնումները չեն կարող շարունակվել, քանի որ հավելվածի ներբեռնումն ինքնին բավարար չէ որևէ մեկին դատապարտելու՝ ահաբեկչական կազմակերպությանը մասնակից լինելու համար։

Ասվում է նաև, որ այդ անձինք Շվեդիայում ստացել են փախստականի կարգավիճակ և կենթարկվեն հետապնդումների, եթե նրանց վերադարձնեն Թուրքիային։

Էմմա Չոբանյան