24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
ԱՄՆ-ը վերադարձել է ՅՈՒՆԵՍԿՕ
Քաղաքականություն
12.07.2023 | 13:16
ԱՄՆ-ը պաշտոնապես վերադարձել է ՅՈՒՆԵՍԿՕ (ՄԱԿ-ի կրթական, գիտական և մշակութային կազմակերպություն) հինգ տարվա բացակայությունից հետո։ Այս մասին հայտարարել է կազմակերպության գլխավոր տնօրեն Օդրի Ազուլեյը, գրում է DW-ի ռուսական ծառայությունը։
«Սա հիանալի նորություն է ՅՈՒՆԵՍԿՕ-ի համար: Այն թափը, որը մենք ստացել ենք վերջին տարիներին, այժմ կշարունակի աճել: Մեր նախաձեռնություններն ավելի ուժեղ կլինեն ամբողջ աշխարհում»,- ասել է Ազուլեյը:
ԱՄՆ-ի վերադարձից հետո ՅՈՒՆԵՍԿՕ-ում ընդգրկված երկրների թիվը 194 է։ Հուլիսի վերջին սպասվում է դրոշի բարձրացման պաշտոնական արարողություն բարձրաստիճան հյուրերի հետ։
ԱՄՆ-ը դուրս է եկել ՅՈՒՆԵՍԿՕ-ից «հակաիսրայելական դիրքորոշման» պատճառով։ Այն բանից հետո, երբ 2011 թվականին Պաղեստինի ինքնավար պետությունը դարձավ ՅՈՒՆԵՍԿՕ-ի լիիրավ անդամ, նախագահ Բարաք Օբամայի վարչակազմը դադարեցրեց կազմակերպության ֆինանսավորումը։ 2017 թվականի հոկտեմբերին Դոնալդ Թրամփի օրոք ԱՄՆ իշխանությունները, ՅՈՒՆԵՍԿՕ-ին մեղադրելով «հակաիսրայելական դիրքորոշման մեջ», հայտարարեցին կազմակերպությունից դուրս գալու մասին։ Դրանից անմիջապես հետո Իսրայելը նույնպես հայտարարեց ՅՈՒՆԵՍԿՕ-ից հեռանալու մասին:
Տաթև Ֆռանգյան
