24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Վիլնյուսում հանդիպմանը Ջո Բայդենն ու Էրդողանը նաև ընդհանուր հետաքրքության տարածաշրջանային հարցեր են քննարկել․ Սպիտակ տուն
Քաղաքականություն
12.07.2023 | 12:08
ԱՄՆ նախագահ Ջո Բայդենը նախօրեին Վիլնյուսում ՆԱՏՕ-ի գագաթնաժողովի շրջանակում Թուրքիայի նախագահի հետ հանդիպմանը շնորհավորել է Ռեջեփ Թայիփ Էրդողան Շվեդիայի վարչապետ Քրիստերսոնի և ՆԱՏՕ-ի գլխավոր քարտուղար Ստոլտենբերգի հետ ձեռք բերված պայմանավորվածության համար՝ ՆԱՏՕ-ին Ստոկհոլմի անդամակցության հայտը վավերացնելու նպատակով խորհրդարան ուղարկելու համար։ Այս մասին ասվում է Սպիտակ տան տարածած հաղորդագրությունում։
Նշվում է, որ նախագահները քննարկել են երկկողմ համագործակցության ամրապնդմանն ուղղված ջանքերը՝ ողջունելով ռազմավարական մեխանիզմի քննարկումների վերջին փուլը և կարծիքներ փոխանակել պաշտպանական ու տնտեսական առաջնահերթությունների շուրջ։
«Նրանք նաև քննարկել են ընդհանուր հետաքրքրություն ներկայացնող տարածաշրջանային հարցեր, այդ թվում՝ մշտական աջակցությունն Ուկրաինային և Էգեյան ծովում կայունության պահպանման կարևորությունը»,- ասվում է հաղորդագրության մեջ։
Էրդողանն էլ սոցցանցերի իր էջերում նշել է, որ Բայդենի հետ քննարկել են «երկկողմ հարաբերություններն ու անվտանգության ոլորտում համագործակցության հնարավորությունները»։
Էմմա Չոբանյան
