18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Զելենսկին աբսուրդ է անվանել Ուկրաինայի՝ ՆԱՏՕ մտնելու ստույգ ժամկետների բացակայությունը
Քաղաքականություն
11.07.2023 | 18:52
Ուկրաինայի նախագահ Վլադիմիր Զելենսկին կտրուկ է արտահայտվել դաշինքին Ուկրաինայի անդամակցության հարցում ՆԱՏՕ-ի անվճռականության մասին։ BBC-ի ռուսական ծառայության փոխանցմամբ՝ նա հայտարարություն է տարածել, ըստ որի՝ ՆԱՏՕ-ի գագաթնաժողովում արդեն քննարկվում է Ուկրաինայի վերաբերյալ ընդհանուր հայտարարության ձևակերպումը։
«Ուզում եմ ընդգծել՝ այս ձևակերպումը վերաբերում է միայն հրավերին, այլ ոչ թե Ուկրաինայի անդամակցությանը։ Աննախադեպ և անհեթեթ է, երբ ժամկետ չկա ո՛չ հրավերի, ո՛չ Ուկրաինայի անդամակցության մասին»,- ասել է նա։
Նրա հրապարակման համաձայն՝ դաշնակիցները քննարկում են որոշակի պայմաններ, որոնք անհրաժեշտ են նույնիսկ ՆԱՏՕ Ուկրաինային պաշտոնական հրավերի համար։
«Կարծես թե պատրաստակամություն չկա Ուկրաինային հրավիրել ՆԱՏՕ կամ դարձնել դաշինքի անդամ։ Հետևաբար, հնարավոր է մնում ՆԱՏՕ-ին Ուկրաինայի անդամակցության հարցն օգտագործել Ռուսաստանի հետ բանակցություններում։ Իսկ դա նշանակում է, որ Ռուսաստանն իր ահաբեկչությունը շարունակելու պատճառ կունենա։ Անորոշությունը թուլություն է»,- հայտարարել է Վլադիմիր Զելենսկին։
Ուկրաինայի իշխանությունները հույս ունեին, որ ՆԱՏՕ-ի երկրները Վիլնյուսի գագաթնաժողովի ժամանակ միանշանակ կհայտարարեն, որ դաշինքը պատերազմի ավարտից հետո Ուկրաինային կընդունի որպես ՆԱՏՕ-ի անդամ։ Սակայն, ինչպես գրում է BBC-ն, եվրոպացի պաշտոնյաներն այս փուլում մտավախություն ունեն նման հայտարարությունների պատճառով Ռուսաստանի հետ ուղղակի առճակատման առումով։
Տաթև Ֆռանգյան
