24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Գերմանիան Ուկրաինային կփոխանցի 25 Leopard տանկ և երկու Patriot համակարգ
Քաղաքականություն
11.07.2023 | 21:00
Գերմանիայի իշխանությունները հավանություն են տվել Ուկրաինայի զինված ուժերին լրացուցիչ 700 մլն եվրոյի սպառազինության փոխանցմանը, գրում է BBC-ի ռուսական ծառայությունը։
Վիլնյուսում ՆԱՏՕ-ի գագաթնաժողովի շրջանակում Գերմանիայի ՊՆ ղեկավար Բորիս Պիստորիուսն ասել է, որ նոր փաթեթը «ծառայում է Ուկրաինայի առաջնահերթություններին․ այն ներառում է հակաօդային պաշտպանության համակարգեր, տանկեր, հրետանի»:
Նախնական տվյալներով՝ Ուկրաինան կստանա 40 միավոր Marder հետևակի մարտական մեքենա, 25 Leopard 1 մարտական տանկ, հինգ զրահահապատ մեքենա, ինչպես նաև Patriot զենիթահրթիռների երկու արձակման կայան։ Բացի այդ, Գերմանիան պատրաստվում է Կիևին մատակարարել 20,000 հրետանային զինամթերք, 5,000 ծխային զինամթերք, ինչպես նաև հետախուզական անօդաչու թռչող սարքեր և հակաօդային պաշտպանության միջոցներ։
Ավելի վաղ էլ Ֆրանսիայի նախագահ Էմանունել Մակրոնն էր հայտարարել, որ Փարիզն Ուկրաինային կփոխանցի Scalp հեռահար հրթիռներ։
Էմմա Չոբանյան
