15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Կրեմլն Անկարային կոչ է արել «վարդագույն ակնոց չկրել»՝ Թուրքիային չեն ցանկանում ԵՄ-ում տեսնել
Քաղաքականություն
11.07.2023 | 21:23
Ռուսաստանի նախագահի մամուլի քարտուղար Դմիտրի Պեսկովը հայտարարել է, որ, իր կարծիքով, Եվրամիությունը չի ցանկանում Թուրքիային տեսնել կառույցի կազմում։ Նա հորդորել է Թուրքիայի ղեկավարությանն այս կապակցությամբ «վարդագույն ակնոց չկրել», գրում է Կոմերսանտը։
«Եթե իրերն իրենց անուններով կոչենք, ապա Թուրքիային ոչ ոք չի ուզում տեսնել Եվրոպայում, ես նկատի ունեմ՝ եվրոպացիները։ Եվ այստեղ մեր թուրք գործընկերները ևս, երևի, չպետք է վարդագույն ակնոց կրեն»,- հայտարարել է Պեսկովը։
Նա ընդգծել է՝ համոզված է, որ ԵՄ-ն իր կազմում Թուրքիայի ինտեգրման հարցով որևէ պլան չունի։
Նախօրեին Թուրքիայի նախագահ Ռեջեփ Թայիփ Էրդողանը հայտարարել էր, որ Անկարան պատրաստ է շատ մոտ ապագայում համաձայնության գալ ՆԱՏՕ-ին Շվեդիայի անդամակցելու հարցում, սակայն դրա դիմաց ցանկանում է ակտիվացնել իր երկրի՝ Եվրամիություն մտնելու գործընթացը։ Ի պատասխան՝ ՆԱՏՕ-ն և ԵՄ-ն հայտարարեցին, որ Էրդողանի՝ այս երկու գործընթացներն իրար կապելու ցանկությունը տեղին չէ։
Տաթև Ֆռանգյան
