17.12.2025 | 23:55
ՊՍԺ-ն՝ Միջմայրցամաքային գավաթի հաղթող․ ՏԵՍԱՆՅՈՒԹ
ԱՄՆ-ը հայտարարել է, որ առաջ է շարժվում Թուրքիային F-16-ների փոխանցման հարցում
Քաղաքականություն
11.07.2023 | 18:31
ԱՄՆ նախագահ Ջո Բայդենը Թուրքիային F-16 կործանիչների փոխանցման հարցով Կոնգրեսի հետ խորհրդակցությունների է անցնելու։ Այս մասին հայտարարել է ԱՄՆ Ազգային անվտանգության հարցերով խորհրդական Ջեյք Սալիվանը, գրում է Reuters-ը։
Վիլնյուսում ՆԱՏՕ-ի գագաթնաժողովին ընդառաջ Սալիվանն ասել է, որ նախագահ Բայդենը «հստակ հասկացրել է, որ աջակցում է կործանիչների փոխանցմանը»։
«Նա որևէ նախազգուշացում չի արել։ Նա մտադիր է առաջ շարժվել այդ հարցում»,- ասել է Սալիվանը՝ այլ մանրամասներ չհայտնելով։
Հավելենք, որ երեկ ուշ երեկոյան Թուրքիայի նախագահ Ռեջեփ Թայիփ Էրդողանը համաձայնել էր խորհրդարանին ներկայացնել ՆԱՏՕ-ին Շվեդիայի անդամակցության հայտը՝ ԱՄՆ-ի և նրա դաշնակիցների կողմից ամիսներ շարունակ տևած ճնշումներից հետո:
ՆԱՏՕ-ի որոշ գործընկերներ կարծում են, որ Թուրքիան, որը 2021 թվականի հոկտեմբերին խնդրել էր 20 միլիարդ դոլարի Lockheed Martin-ի F-16 կործանիչներ և շուրջ 80 արդիականացման սարքավորումներ իր ռազմական ինքնաթիռների համար, դա օգտագործում էր Շվեդիայի անդամակցության հետ կապված իրավիճակում՝ ճնշում գործադրելու Վաշինգտոնի վրա ռազմական ինքնաթիռների հարցում։
Էմմա Չոբանյան
