16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
ՆԱՏՕ-ի երկրները քննարկում են ռուսական հարձակման դեպքում պաշտպանական պլանը. DPA
Քաղաքականություն
11.07.2023 | 13:31
ՆԱՏՕ-ի անդամ երկրները երկուշաբթի հավանություն են տվել ռուսական հնարավոր հարձակմանը պատասխանելու նոր ծրագրերին։ BBC-ի ռուսական ծառայության հաղորդմամբ՝ այս մասին հայտնել է գերմանական DPA գործակալությունը՝ վկայակոչելով մի քանի դիվանագետների։
Ծրագրերը, որոնք պետք է հաստատեն ՆԱՏՕ-ի անդամ երկրների ղեկավարները Վիլնյուսի գագաթնաժողովում, մանրամասն նկարագրում են զորքերի ներկայությունը արագ զարգացնելու և ծովում, օդում, կիբերտարածությունում և տիեզերքում հնարավոր հարձակումներից պաշտպանվելու ուղիները:
Նախորդ տարի որոշվել էր շուրջ 300 հազար մարդու մոտ ապագայում պահել բարձր զգոնության վիճակում, հիշեցնում է գործակալությունը։ Մինչ այժմ դաշինքի ճգնաժամային գործողությունների հիմնական ուժը բարձր պատրաստականության զորքերն էին։
Նոր ծրագրերը ՆԱՏՕ-ի ջանքերի մի մասն են՝ ուժեղացնելու պաշտպանությունն ու զսպումը Ուկրաինա Ռուսաստանի լայնամասշտաբ ներխուժման պատճառով: ՆԱՏՕ-ի ռազմական կոմիտեի նախագահ Ռոբ Բաուերի խոսքով՝ այս ծրագրերի իրականացումը մարտահրավեր կլինի առաջիկա տարիների համար։
Պաշտպանական արձանագրությունները մշակվում են դաշինքի երկրների կողմից պաշտպանական ներդրումների, վերազինման և զենքի արտադրության ավելացմանն ուղղված ջանքերին զուգահեռ՝ զորքերի ավելի մեծ թվաքանակ և մարտունակություն ապահովելու նպատակով։
«Խոսքն ավելի շատ մարդկանց հավաքագրելու, ուսուցանելու, վարժանքների, ինչպես նաև պաշարների կուտակման, կազմավորումների կառուցման, սարքավորումների ձեռքբերման մասին է։ Մենք խոսում ենք նաև արտադրական հզորությունների մասին»,- ասել է Բաուերը Բրյուսելում լրագրողների հետ զրույցում։
Բացի Ռուսաստանի կողմից հնարավոր հարձակումներից՝ ՆԱՏՕ-ի ծրագրերը հաշվի են առնում նաև ահաբեկչական խմբավորումների սպառնալիքները։
Տաթև Ֆռանգյան
