Քաղաքականություն
10.07.2023 | 19:42
Թուրքիայի նախագահ Ռեջեփ Թայիփ Էրդողանը սկսել է հանդիպումները Լիտվայի մայրաքաղաք Վիլնյուսում, ուր նա ժամանել է՝ մասնակցելու ՆԱՏՕ-ի անդամ պետությունների և կառավարությունների ղեկավարների գագաթնաժողովին։
TRT Haber-ի հաղորդմամբ՝ մեկնարկել է Էրդողանի եռակողմ հանդիպումը Շվեդիայի վարչապետ Ուլֆ Քրիստերսոնի ու ՆԱՏՕ-ի գլխավոր քարտուղար Յենս Ստոլտենբերգի հետ։ Կողմերը քննարկելու են դաշինքին Ստոլհոլմի միանալու հարցը։
Էրդողանի երկրորդ հանդիպումը կլինի Եվրոպական խորհրդի նախագահ Շառլ Միշելի հետ։
Նշվում է, որ հանդիպումները փակ են լրատվամիջոցների համար։
Էմմա Չոբանյան
