Ալիևը շնորհակալություն է հայտնել Ալբանիայի նախագահին՝ Ֆրանկոֆոնիայի գագաթնաժողովում «հակաադրբեջանական դրույթն արգելափակելու համար»

Լուրեր

21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
Բոլորը

Ադրբեջանի նախագահ Իլհամ Ալիևը հայտարարել է, թե 2022 թվականին Ֆրանկոֆոնիայի գագաթնաժողովում Ալբանիան  կասեցրել է հակաադրբեջանական փաստաթուղթ ընդունելու փորձը։ Այս մասին նա հայտարարել է Բաքվում Ալբանիայի նախագահ Բայրամ Բեգայի հետ բանակցություններից հետո մամուլի համար արված հայտարարությունում։

«Ես իմ երախտագիտությունն եմ հայտնել Ալբանիայի նախագահին և կառավարությանը՝ անցյալ տարվա Ֆրանկոֆոնիայի գագաթնաժողովի ժամանակ Ադրբեջանին աջակցելու համար, որտեղ կազմակերպության անդամ երկրներից մեկը փորձել էր հասնել եզրափակիչ փաստաթղթում հակաադրբեջանական դրույթի ներառմանն ու ընդունմանը։ Հենց Ալբանիան է այդ փորձն արգելափակել»,- հայտարարել է Ալիևը։

Նա կրկին երախտագիտություն է հայտնել Բեգային՝ այս փաստն անվանելով «բարեկամության, միջազգային իրավունքի հիմնարար սկզբունքների, տարածքային ամբողջականության և երկրների ինքնիշխանության նկատմամբ հաստատակամ հավատարմության դրսևորում»։

Հավելենք, որ Թունիսի Ջերբա քաղաքում անցկացված Ֆրանկոֆոնիայի միջազգային կազմակերպության 18-րդ գագաթնաժողովի արդյունքում 2022 թվականի նոյեմբերի 20-ին ընդունվել էին մի շարք փաստաթղթեր, այդ թվում՝ «Ֆրանկոֆոն տիրույթում ճգնաժամային իրավիճակների, դրանց հաղթահարման և խաղաղության ամրապնդման վերաբերյալ» բանաձևը, որով անդամ պետություններն իրենց աջակցությունն ու համերաշխությունն էին հայտնում Հայաստանին։

Բանաձևը, մասնավորապես, համերաշխությունն էր հայտնում Ֆրանկոֆոնիայի անդամ Հայաստանի հետ և այս համատեքստում խորին մտահոգություն հայտնում սեպտեմբերի 13-ին տեղի ունեցած ռազմական էսկալացիայի (Հայաստանի տարածքային ամբողջականության և ինքնիշխանության դեմ Ադրբեջանի ագրեսիայի), հատկապես՝ դրա հետևանքով միջազգային իրավունքի, տարածքային ամբողջականության և միջազգային մարդասիրական իրավունքի խախտումների առնչությամբ։

Բանաձևն ընդգծում էր նոր էսկալացիայից խուսափելու կարևորությունը և կոչ անում լիարժեք իրականացնել 2020թ․ նոյեմբերի 9-ի եռակողմ հայտարարությունը և ողջունում գործադրվող ջանքերը՝ Լեռնային Ղարաբաղի հակամարտության խաղաղ ու արդարացի կարգավորման ուղղությամբ։ Կազմակերպությունն իր մտահոգությունն էր հայտնում նաև լուծում չստացած հումանիտար խնդիրների առնչությամբ, մասնավորապես, ռազմագերիների և այլ պահվող անձանց, ինչպես նաև անհետ կորած անձանց ճակատագրի վերաբերյալ։ ՖՄԿ-ն նաև մտահոգություն էր հայտնում մշակութային ժառանգության ոչնչացման առնչությամբ և իր աջակցությունը հայտնում Լեռնային Ղարաբաղ և հարակից տարածքներ ՅՈՒՆԵՍԿՕ-ի առաքելության իրականացմանը։

Հավելենք, որ Ալիևը չի նշել, թե այս փաստաթղթում Ալբանիան կոնկրետ ինչ դրույթ է արգելափակել։

Էմմա Չոբանյան