06.06.2026 | 12:50
«Նման ընտրությունները լեգիտիմ չեն լինի»․ Մեդվեդևը՝ Հայաստանի առաջիկա ընտրությունների մասին
Այսօր տեղի կունենա Էրդողանի և Զելենսկիի հանդիպումը
Քաղաքականություն
07.07.2023 | 12:34
Ուկրաինայի նախագահ Վլադիմիր Զելենսկին այսօր հուլիսի 7-ին, Ստամբուլում կհանդիպի Թուրքիայի նախագահ Ռեջեփ Թայիփ Էրդողանի հետ։ Այս մասին հայտնում է Թուրքիայի նախագահի աշխատակազմի հաղորդակցության վարչությունը, գրում է korrespondent-ը։
«Թուրքիայի նախագահի աշխատակազմը հայտարարել է ուրբաթ օրը Ստամբուլում Ուկրաինայի նախագահ Վլադիմիր Զելենսկիի և Թուրքիայի նախագահ Ռեջեփ Թայիփ Էրդողանի հանդիպման մասին»,-ասվում է հաղորդագրության մեջ։
Հանդիպման ավարտին նախատեսվում է երկու երկրների ղեկավարների ասուլիսը։
Հիշեցնենք, որ Sabah-ի թուրքական խմբագրությունն ավելի վաղ հայտարարել էր Ստամբուլում երկու նախագահների հանդիպման մասին: Սակայն հանդիպման մանրամասներն ու ժամկետները այն ժամանակ դեռ հայտնի չէին։
Ինչպես գիտեք, Թուրքիայի իշխանությունները շարունակում են երկխոսությունը Ուկրաինայի և Ռուսաստանի հետ՝ երկարաձգելու Սևծովյան հացահատիկային նախաձեռնությունը, որն ավարտվում է հուլիսի 17-ին։
