15.09.2026 | 23:00
Թրամփը հայտարարել է, որ TRIPP-ը մեծ առավելություն է տալիս Թեհրանի հետ հարաբերություններում․ The Hill
Պատերազմը խախտել է ՌԴ-ի կայուն ազգային պաշտպանության ռազմավարությունը․ բրիտանական հետախուզություն
Քաղաքականություն
06.07.2023 | 18:24
Ուկրաինական հակահարձակումը հետ մղելու հիմնական բեռն ընկել է Ռուսաստանի ամբողջ տարածքից ներքաշված ռազմական կազմավորումների վրա։ Այս մասին ասվում է Մեծ Բրիտանիայի ՊՆ ռազմական հետախուզության ամենօրյա զեկույցում։
Զապորոժիեի մարզում 58-րդ համակցված բանակը զբաղեցնում է ամրացված դիրքեր, թեև այն սովորաբար տեղակայված է Հյուսիսային Կովկասում, իսկ Դոնեցկի մարզի հարավում գտնվող Վելիկա Նովոսիլկայի շրջանում գործում է 5-րդ համակցված բանակը և ծովայիններ, որոնք սովորաբար տեղակայված են Հեռավոր Արևելքում՝ «որպես հակակշիռ» Չինաստանին, գրում են զեկույցի հեղինակները։
Բախմուտի շրջակայքում պաշտպանությունն այժմ հիմնականում պահում են օդադեսանտային զորքերը, որոնք սովորաբար տեղակայված են Ռուսաստանի արևմուտքում: Բրիտանական հետախուզությունն այս զորքերի նախապատերազմական նշանակությունը համարում է արագ արձագանքումը ՆԱՏՕ-ի հետ հարաբերությունների սրման դեպքում։
Նշվում է, որ անցյալ տարվա սկզբից պատերազմին մասնակցում են ինչպես Հեռավոր Արևելքի ծովայինները, որոնց մասին խոսում է բրիտանական հետախուզությունը, այնպես էլ Պսկովի շրջանի դեսանտայինները։
Զեկույցի հեղինակները եզրակացնում են, որ պատերազմը խախտել է Ռուսաստանի կայուն ազգային պաշտպանության ռազմավարությունը։
