16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
«Բելառուսում մարդու իրավունքների հետ կապված իրավիճակը աղետալի» է. ՄԱԿ
Քաղաքականություն
05.07.2023 | 11:09
Բելառուսում մարդու իրավունքների վիճակը, ըստ ՄԱԿ-ի, աղետալի է և գնալով միայն վատթարանում է։ Բելառուսի ղեկավար Ալեքսանդր Լուկաշենկոյի ռեժիմը նպատակաուղղված պայքարում է քաղաքացիական հասարակության վերջին այլախոհների դեմ, ասել է Բելառուսի գծով ՄԱԿ-ի հատուկ զեկուցող Անաիս Մարենը՝ Ժնևում ներկայացնելով իր նոր զեկույցը ՄԱԿ-ի Մարդու իրավունքների խորհրդի (ՄԻԽ) 53-րդ նստաշրջանում:
«Իրավիճակը շարունակում է մնալ աղետալի, ցավոք սրտի, այն շարունակում է վատթարանալ»,- ասել է Մարենը։
Նրա խոսքով, Բելառուսի օրենսդրության մեջ կատարվող փոփոխությունները հանգեցրել են քաղաքական դրդապատճառներով հետապնդումների և պատժաչափերի կտրուկ աճի։
«Մարդու իրավունքների խախտումների համար պատասխանատվության բացակայությունը վախի մթնոլորտ է ստեղծում զոհերի և նրանց ընտանիքների շրջանում»,- ասել է ֆրանսիացի փորձագետը։
