25.07.2026 | 11:33
Երևանում փոշու պարունակությունը գերազանցել է թույլատրելի շեմը միայն Կենտրոնում
Մակրոնն առաջարկել է տուգանել անկարգություններին մասնակցած երիտասարդների ընտանիքներին
Քաղաքականություն
04.07.2023 | 21:15
Ֆրանսիայի նախագահ Էմանուել Մակրոնը մտադիր է ֆինանսական տույժեր կիրառել անկարգությունների մեջ ներգրավված երիտասարդների ընտանիքների նկատմամբ, հայտնում է France24-ը։
«Անհրաժեշտ է, որ առաջին խախտման դեպքում մենք կարողանանք ֆինանսապես պատժել ընտանիքներին պարզ ձևով»,- ասել է Մակրոնը Հանցավորության դեմ պայքարի ոստիկանության բրիգադի (BAC) ներկայացուցիչների հետ հանդիպման ժամանակ։
Հանդիպման մասին չի հայտարարվել, այն տեղի է ունեցել երկուշաբթի գիշերը Փարիզի հյուսիսում գտնվող սրճարաններից մեկում։
«Իր տեսակի մեջ նվազագույն չափով տուգանք՝ առաջին արարքից հետո», – բացատրել է Մակրոնը:
Երկրի ղեկավարն աջակցություն է հայտնել ոստիկանական ուժերին Ֆրանսիայի քաղաքներում մի քանի օր շարունակվող անկարգություններից հետո։
Ըստ Le Parisien-ի՝ չնայած վերջին գիշերների հարաբերական անդորրին՝ Մակրոնը չի կարծում, որ «ամեն ինչ ավարտված է»։
«Տեսնենք, թե ինչ կլինի հուլիսի 13-ին և 14-ին (ազգային տոն Ֆրանսիայում) և մոտակա ամիսներին»,- ասել է նախագահը և իրավապահներին կոչ արել «մնալ առավելագույն պատրաստվածության վիճակում»։
Տաթև Ֆռանգյան
