24.02.2026 | 17:39
Երևանում գիշերը սպասվում է կարճատև անձրև
Վրաստանում հերթական անգամ ստուգել են Սև ծովի ջրի որակը. հրապարակվել են վերջին տվյալները
Քաղաքականություն
04.07.2023 | 16:48
Վրաստանի սևծովյան տարածքում վերցված նմուշները նորմայի սահմաններում են։ Այս մասին «Սպուտնիկի» վրացական ծառայության փոխանցմամբ՝ հայտնում է Շրջակա միջավայրի ազգային գործակալության մամուլի ծառայությունը։
Գործակալությունը 10 օրը մեկ ստուգում է Սև ծովի ջրի որակը ինը կայարաններում։ Հետազոտության արդյունքում որոշվում են ծովի ջրի քիմիական պարամետրերը։
«Կենսածին տարրերի, ծանր մետաղների և ընդհանուր նավթային ածխաջրածինների կոնցենտրացիան Սև ծովի ջրի նմուշներում գտնվում է նորմայի սահմաններում»,- նշել են նախարարությունից։
Նշվում է, որ վերցված նմուշներն ուղարկվում են Շրջակա միջավայրի պահպանության ազգային գործակալության լաբորատորիա, որը լիովին համապատասխանում է ժամանակակից պահանջներին ու չափանիշներին և հագեցած է բարձր ճշգրտության սարքերով։
Հիշեցնենք, որ Ուկրաինայում «Կախովկա» հիդրոէլեկտրակայանի (ՀԷԿ) ամբարտակի պայթեցման պատճառով Սև ծովի աղիությունը կտրուկ նվազել է։ Այս տեղեկությունը տարածել է Ուկրաինայի տարերային աղետների հետևանքների վերացման շտաբը։
Փորձարկումների արդյունքների համաձայն՝ Օդեսայի մոտ ծովի աղիությունը նվազել է գրեթե երեք անգամ, ինչը պայմանավորված է ամբարտակի պայթեցմամբ, որը բացել է քաղցրահամ ջրի մուտքը ծով։
Տաթև Ֆռանգյան
