25.02.2026 | 23:29
Ինչպես են ադրբեջանցի գործարարները ՌԴ-ին օգնում շրջանցել պատժամիջոցները. FT-ի հետաքննությունը
Ուկրաինան հայտարարել է նոր տարածքների ազատագրման մասին
Քաղաքականություն
03.07.2023 | 16:06
Ուկրաինական ուժերը շարունակում են առաջխաղացումը Բախմուտի, Մելիտոպոլի և Բերդյանսկի ուղղություններով, իսկ վերջին շաբաթվա ընթացքում ազատագրել են ընդհանուր առմամբ 37 կմ² տարածք։ Այս մասին հայտնել է Ուկրաինայի պաշտպանության փոխնախարար Աննա Մալյարը։
«Արևելքում և՛ հարձակողական, և՛ պաշտպանական գործողությունները շարունակվում են, մենք շարժվում ենք Բախմուտի ուղղությամբ, իսկ հակառակորդը շարունակում է հարձակումները Լիմանսկի, Ավդեևսկի և Մարինսկի ուղղություններով։ Հակառակորդը փորձում է մեր զորքերին դուրս մղել զբաղեցված դիրքերից, սակայն արժանի հակահարված է ստանում։ Այժմ այնտեղ ծանր մարտերը շարունակվում են»,- գրել է նա Telegram-ում։
Մալյարի խոսքով՝ մեկ շաբաթվա ընթացքում Ուկրաինայի արևելքում ազատագրվել է 9 կմ² տարածք։ Միևնույն ժամանակ, Ուկրաինայի հարավում Ուկրաինայի զինված ուժերը հարձակողական գործողություններ են իրականացնում Նովոդարովկա, Պրիյուտնոե, Նովոդանիլովկա, Ռաբոտինո, Նովոսելկա և Ստարոմայորսկոե բնակավայրերի տարածքներում, մեկ շաբաթվա ընթացքում ազատագրված տարածքներն ավելացել են 28,4 կմ²-ով, ավելացրել է Մալյարը։
