25.07.2026 | 11:33
Երևանում փոշու պարունակությունը գերազանցել է թույլատրելի շեմը միայն Կենտրոնում
Ադրբեջանում մեկնարկել է առևանգված հայ զինծառայողների ապօրինի դատավարությունը
Քաղաքականություն
03.07.2023 | 12:25
Սումգայիթի ծանր հանցագործությունների դատարանում այսօր մեկնարկել է Ադրբեջանի կողմից ՀՀ տարածքից առևանգված հայ զինծառայողներ Հարություն Հովագիմյանի ու Կարեն Ղազարյանի ապօրինի դատավարությունը։
Տեղական լրատվամիջոցների հաղորդմամբ՝ նրանք մեղադրվում են, իբր, «Ադրբեջանի սահմանը խախտելու և ծանր հանցագործություններ կատարելու մեջ»։
Ֆահմին Գումբատովի նախագահությամբ ընթացող նիստում հայտարարվել է, որ «հայ զինծառայողներին տրամադրվել են փաստաբաններ և թարգմանիչներ», այնուհետև ճշտվել են նրանց անձնական տվյալները։
Հիշեցնենք, որ մայիսի 26-ին մարտական դիրքեր սնունդ մատակարարող երկու հայ զինծառայողների հետ կապն ընդհատվել էր: Մայիսի 27-ին Պաշտպանության նախարարությունը հայտնել էր, որ միջդիրքային ճանապարհին հայտնաբերվել է թիկունքային մատակարարման ավտոմեքենան, որում եղել է նաև զինվորներից մեկին ամրակցված զենքը: Քննչական կոմիտեից ավելի ուշ տեղեկացրել էին, որ նախնական տվյալով՝ Ադրբեջանի զինված խումբը հատել է սահմանը և առևանգել հայ զինծառայողներին:
Էմմա Չոբանյան
