15.12.2025 | 23:30
Պինոչետի բռնապետությունից ի վեր առաջին անգամ Չիլիի նախագահական ընտրություններում ծայրահեղ աջերի թեկնածուն հաղթել է
ՌԴ-ի հետ բանակցությունները հնարավոր կլինեն միայն այն դեպքում, երբ Ուկրաինայի ԶՈՒ-ն զբաղեցնի 1991-ին առկա սահմանները․ Զելենսկի
Քաղաքականություն
02.07.2023 | 11:39
Կիևում Իսպանիայի վարչապետ Պեդրո Սանչեսի հետ համատեղ մամուլի ասուլիսի ժամանակ Ուկրաինայի նախագահ Վլադիմիր Զելենսկին հայտարարել է, որ Ուկրաինան պատրաստ կլինի Ռուսաստանի հետ բանակցությունների միայն այն բանից հետո, երբ Ուկրաինայի զինված ուժերը զբաղեցնեն 1991 թվականին առկա սահմանները:
«Եվս մեկ անգամ ընդգծում ենք՝ Ուկրաինան պատրաստ կլինի դիվանագիտության այս կամ այն ձևաչափին, երբ մենք իսկապես մեր սահմաններին լինենք։ Մեր իրական սահմաններին՝ միջազգային իրավունքի համաձայն»,- Զելենսկու խոսքը մեջբերում է «РБК-Украина»-ն։
BBC-ի ռուսական ծառայության փոխանցմամբ՝ այն մասին, որ Մոսկվայի հետ բանակցությունները փաստացի հնարավոր են միայն Ուկրաինայի զգալի ռազմական հաջողության դեպքում, շաբաթ օրը ևս մեկ անգամ խոսել է Զելենսկին։
Նախօրեին ԱՄՆ շտաբների պետերի միացյալ կոմիտեի ղեկավար, գեներալ Մարկ Միլին հայտարարել էր, որ ուկրաինական հակահարձակումն ավելի դանդաղ է ընթանում, քան շատերն էին սպասում, սակայն առաջընթացն անշեղորեն աճում է:
