16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
ԱՄՆ-ը հավանություն է տվել Թայվանին 440 մլն դոլարի սպառազինության վաճառքին
Քաղաքականություն
30.06.2023 | 16:33
ԱՄՆ Պետքարտուղարությունը թույլատրել է Թայվանին վաճառել 332,2 միլիոն դոլար արժողությամբ 30 մմ տրամաչափի ռազմամթերք և 108 միլիոն դոլար արժողությամբ զենքի և ծրագրային ապահովման համար անհրաժեշտ սարքավորումներ։ Այս մասին հայտնել է ԱՄՆ Պաշտպանության նախարարության Անվտանգության ոլորտում համագործակցության գործակալությունը։
Գործակալությունը հինգշաբթի տրամադրել է անհրաժեշտ հավաստագրումը և Կոնգրեսին տեղեկացրել հնարավոր առաքումների մասին։ Թայվանին սպառազինության վաճառքը չի խանգարի ԱՄՆ-ի մարտական պատրաստվածությանը, վստահեցրել են Պենտագոնից։
Թայբեյը և Վաշինգտոնը պայմանագիր են ստորագրել կղզուն ամերիկյան M136 Volcano հակատանկային հեռահար արդյունահանման համակարգեր մատակարարելու մասին՝ 4,54 միլիարդ թայվանական նոր դոլարով (շուրջ 146 միլիոն ԱՄՆ դոլար):
Չինաստանը դեմ է հանդես եկել ԱՄՆ-ի և Թայվանի միջև ռազմական ոլորտում շփումներին, ինչպես նաև պահանջում է դադարեցնել Թայբեյին ամերիկյան զենքի մատակարարումը, հայտարարել է Չինաստանի ԱԳՆ պաշտոնական ներկայացուցիչ Մաո Նինգը։
Տաթև Ֆռանգյան
