Կառավարության համար կոռուպցիայի դեմ պայքարը առաջնային ուղղություններից է․ Արդարադատության փոխնախարար․ ՏԵՍԱՆՅՈՒԹ

Կորպորատիվ Կառավարման Կենտրոնն այսօր կազմակերպել է կորպորատիվ կառավարման հիմնախնդիրներին նվիրված տարեկան համաժողովը:
Համաժողովն անցկացվում է «Համագործակցություն հանուն կայուն կորպորատիվ կառավարման» կարգախոսի ներքո:

Կարգախոսի ընտրությունը պատահական չէ, քանի որ կորպորատիվ կառավարման ժամանակակից միտումները և հայաստանյան իրականության զարգացումները քննարկելու նպատակով Համաժողովն այս տարի հյուրընկալել է բանախոսներ ԱՄՆ-ից և Եվրոպայից, ինչպես նաև մասնակիցներ Վրաստանից, Իրանից, Կենտրոնական Ասիայից:

Համաժողովը նպատակ է հետապնդում դառնալ բաց ու կառուցողական քննարկումների հարթակ գործարար աշխարհի, քաղաքականություն մշակողների, ակադեմիական և քաղաքացիական հասարակության ինստիտուտների, միջազգային փորձագիտական համայնքի միջև` կայուն կորպորատիվ կառավարման ժամանակակից միտումների հիմնական մարտահրավերներն ու հնարավորությունները ընկալելու, միմյանցից դասեր քաղելու և Հայաստանի կորպորատիվ կառավարման միջավայրի զարգացման հիմնական ուղղությունները նախանշելու համար:

Արդարադատության փոխնախարար Նարեկ Կարապետյանի խոսքով՝  2018 թվականից ի վեր կոռուպցիայի դեմ պայքարը Կառավարության կողմից որդեգրվեց որպես ամենակարևոր և առաջնային ուղղություններից մեկը։

«Այս ուղղությամբ Կառավարությունն աշխատանքներ է իրականացնում ռազմավարական գաղափարախոսությունների և ծրագրերի շրջանակներում։ 2019-2022թթ պետության հակակոռուպցիոն ռազմավարության շրջանակներում առկա հարցերն իրենց արտացոլումը և լուծումը գտան՝ որպես ծրագրային ուղղություններ՝ ծածկելով գործարար ոլորտում հակակոռուպցիոն համապատասխանության պահանջների ընդունման խթանումը, գնումների ոլորտի շարունակական բարելավումը և կատարելագործումը, իրավաբանական անձանց սեփականատերի ինստիտուտի ներդրման գաղափարախոսությունը, տնտեսական մրցակցության պաշտպանության օրենսդրության կատարելագործումը, որոնց առնչությամբ անցած երեք տարիներին գրանցվել են բավականին լուրջ արդյունքներ»,- նշեց փոխնախարարը։

Մանրամասները՝ տեսանյութում։