25.02.2026 | 23:29
Ինչպես են ադրբեջանցի գործարարները ՌԴ-ին օգնում շրջանցել պատժամիջոցները. FT-ի հետաքննությունը
«Վագները» շարունակում է մարտիկների հավաքագրումը սովորական ռեժիմով
Քաղաքականություն
30.06.2023 | 12:21
BBC-ի ռուսական ծառայությունը զանգահարել է «Վագներ» ռազմականացված խմբավորման մի քանի քաղաքներում գտնվող կենտրոնների թեժ գծեր, և բոլոր այն կենտրոններում, որտեղ պատասխանել են հեռախոսազանգին, հաստատել են, որ աշխատակիցների հավաքագրումը շարունակվում է սովորական ռեժիմով։
Կալինինգրադից Կրասնոդար նախկինի նման հավաքում են մարդկանց, որպեսզի նրանց ուղարկեն մարտնչելու Ուկրաինայում, գրում է լրատվականը՝ նշելով, որ աշխատավարձը բավականին բարձր է մնում՝ 240 հազար ռուբլի, պայմանագրերը կնքվում են 6 ամսով։
«Ոչինչ չի փոխվել», -BBC-ին ասել են «Վագների» բազմաթիվ կենտրոններում:
Լրատվականը նշում է, որ սա զարմանալի է, եթե հաշվի առնենք, որ ընդամենը մի քանի օր առաջ վագներականները շարժվում էին դեպի Մոսկվա։
