25.02.2026 | 23:29
Ինչպես են ադրբեջանցի գործարարները ՌԴ-ին օգնում շրջանցել պատժամիջոցները. FT-ի հետաքննությունը
Գեներալ Սուրովիկինը ձերբակալվել է․ Financial Times
Քաղաքականություն
29.06.2023 | 17:25
FT-ը հայտնում է ռուս գեներալ Սերգեյ Սուրովիկինի ձերբակալման մասին՝ հղում կատարելով իրավիճակին ծանոթ երեք աղբյուրների, փոխանցում է BBC-ի ռուսական ծառայությունը։
Լրատվամիջոցը նշում է, որ ռուսական զորքերի միացյալ խմբի հրամանատարի տեղակալ Սերգեյ Սուրովիկինը ձերբակալվել է, քանի որ Կրեմլը ճնշում է «Վագներ» խմբավորման կողմնակիցներին անցյալ շաբաթ նրանց անհաջող ապստամբությունից հետո, մինչդեռ Սուրովիկինը լավ հարաբերություններ է պահպանում «Վագներ»-ի ղեկավար Եվգենի Պրիգոժինի հետ։
Ասվում է, որ անհասկանալի է մնում՝ Սուրովիկինը մեղադրվե՞լ է ապստամբների հետ դավադրության մեջ, թե՞ պարզապես ձերբակալվել է՝ հարցաքննության համար։
Դեռ երեկվանից լուրեր էին տարածվել, որ Սերգեյ Սուրովիկինը ձերբակալվել է և գտնվում է Լեֆորտովոյի քննչական մեկուսարանում։ Կրեմլի խոսնակ Դմիտրի Պեսկովն այսօր Պաշտպանության նախարարությանն է հասցեագրել հարցը, թե որտեղ է Սուրովիկինը։
«Baza» տելեգրամյան ալիքն էլ պնդում է, որ խոսել է Սուրովիկինի դստեր հետ, որը նշել է, որ գեներալին ոչ ոք չի ձերբակալել, և նրա հետ ամեն ինչ կարգին է։
Էմմա Չոբանյան
