16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
«Վագները» չի պատերազմի Ուկրաինայում. Բուդանով
Քաղաքականություն
29.06.2023 | 18:26
Ռուսական «Վագներ» մասնավոր ռազմականացված խմբավորման վարձկանները չեն պատերազմի ընդդեմ Ուկրաինայի, և սա խմբավորման ղեկավար Եվգենի Պրիգոժինի ապստամբության հետևանքներից մեկն է։ Այս մասին «Ուկրաինական պրավդա»-ին ասել է Ուկրաինայի Պաշտպանության նախարարության հետախուզության գլխավոր վարչության ղեկավար Կիրիլ Բուդանովը։
«Մենք փոխզիջում ստացանք Ռուսաստանի ղեկավարության կողմից: Հերթական անգամ ոչնչացվեց ռուսական վարչակարգի անսասանության առասպելը: Կորուստներ հասցվեցին Ռուսաստանի տիեզերական ուժերին: Նաև «Վագներն» այլևս չի մասնակցի ռազմական գործողություններին երկրի տարածքում: Եվ սա Ռուսաստանի Դաշնության ամենաարդյունավետ միավորն է, որն ունակ է ամեն գնով հասնել հաջողության»,- ասել է Բուդանովը։
Հիշեցնենք, որ հունիսի 24-ին Եվգենի Պրիգոժինը Ռուսաստանում ապստամբություն էր կազմակերպել։ «Վագների» շարասյուները շարժվել են Մոսկվա և խոցել ռուսական բանակի ինքնաթիռներն ու ուղղաթիռները։ Բայց Բելառուսի ղեկավարի հետ բանակցություններից հետո Պրիգոժինը ստորաբաժանումները վերադարձրեց դաշտային ճամբարներ։
Տաթև Ֆռանգյան
