25.07.2026 | 15:06
Իրանը ցանկանում է համաձայնագիր կնքել, բայց դեռ պատրաստ չէ դրան․ Թրամփ
ԱՄՆ Պետդեպը հավանություն է տվել Լեհաստանին 15 մլրդ դոլարի ՀՕՊ համակարգերի վաճառքին
Քաղաքականություն
29.06.2023 | 15:44
ԱՄՆ Պետքարտուղարությունը հավանություն է տվել Լեհաստանին 15 միլիարդ դոլարի (13,7 միլիարդ եվրո) չափով հակաօդային և հակահրթիռային պաշտպանության ինտեգրված համակարգերի վաճառքին։ Այս մասին հայտնում է Reuters-ը՝ հղում անելով ԱՄՆ Պաշտպանության նախարարությանը, փոխանցում է DW-ի ռուսական ծառայությունը։
Իր հակաօդային պաշտպանության համակարգի արդիականացման շրջանակում Լեհաստանը կգնի 48 Patriot կայանք, դրանց համար 644 հրթիռ, ինչպես նաև տարբեր սենսորներ, օժանդակ սարքավորումներ և պահեստամասեր։ Չնայած այն հանգամանքին, որ գործարքը հավանության է արժանացել Պետքարտուղարության կողմից, Պենտագոնը դեռ չի հայտարարել, որ պայմանագիրը ստորագրվել է կամ բանակցություններն ավարտված են, ուշադրություն է հրավիրում Reuters-ը։
Ամերիկյան զենքի նկատմամբ եվրոպական երկրների հետաքրքրությունը մեծացել է այն բանից հետո, երբ պարզվել է, որ դրանք կարևոր նշանակություն ունեն Ուկրաինայում ռազմական գործողությունների համար, նշում է գործակալությունը։
Ապրիլին երկրի պաշտպանության նախարար Մարիուշ Բլաշչակը, որը միաժամանակ զբաղեցնում է փոխվարչապետի պաշտոնը, հայտարարել էր, որ Լեհաստանը մտադիր է ստեղծել «Եվրոպայի ամենաուժեղ ցամաքային բանակը»։
Տաթև Ֆռանգյան
