21.04.2026 | 13:13
Թրամփը հայտարարել է, որ Իրանից ուրանի դուրսբերումը «երկար և դժվար գործընթաց կլինի»
Ինչո՞ւ է ԲԴԽ-ն շտապում ավարտել Դավիթ Հարությունյանի գործը. խորհրդի անդամների մեկնաբանությունը․ ՏԵՍԱՆՅՈՒԹ
Հասարակություն
23.06.2023 | 20:19
Բարձրագույն դատական խորհրդում դատավոր Դավիթ Հարությունյանի գործի քննության ընթացքում վերջինի փաստաբանները բազմիցս բարձրաձայնել են այն մասին, որ Խորհուրդը ցանկանում է օր առաջ ավարտել այդ գործի քննությունը: Պաշտպանները, մասնավորապես, նշել են, որ իրենց ողջամիտ ժամանակ չի տրամադրվել գործի նյութերին ծանոթանալու համար, սահմանափակվել է իրենց` միջնորդություններ ներկայացնելու ժամանակահատվածը, ընդհուպ
Խորհուրդը, թույլ չտալով ավարտել ԲԴԽ նախագահ Կարեն Անդրեասյանին ներկայացվող միջնորդությունը, հեռացել է խորհրդակցական սենյակ` որոշում կայացնելու:
Նշենք, որ ԲԴԽ-ն այս շաբաթ հինգ աշխատանքային օրից 4-ի ընթացքում Հարությունյանի գործով երկարատև նիստեր է անցկացրել:
ԲԴԽ անդամներ Վիգեն Քոչարյանից և Հայկ Գրիգորյանից փորձեցինք պարզել` ինչո՞ւ են նման շտապողականություն ցուցաբերում: Խորհրդի անդամներից Հայկ Գրիգորյանը հրաժարվեց մեկնաբանել` պատճառաբանելով, թե նիստը դռնփակ է, իսկ Վիգեն Քոչարյանն ասաց, թե սովորական ընթացակարգ է, հետո նշեց, թե այլ կարգապահական գործեր ևս ունեն, դրանով էլ պայմանավորված է նիստերի հաճախականությունը:
Վիգեն Քոչարյանը չպատասխանեց հարցին` ինչո՞ւ է, օրինակ, լրատվամիջոցներին հարցազրույց տալու համար արդեն նախկին դատավոր Զարուհի Նախշքարյանի վերաբերյալ հարուցված կարգապահական վարույթը դռնբաց քննվել, իսկ նույն հիմքով դատավոր Դավիթ Հարությունյանի վերաբերյալ վարույթը քննվում է դռնփակ:
Մանրամասները` տեսանյութում։
Արաքս Մամուլյան
