25.07.2026 | 11:33
Երևանում փոշու պարունակությունը գերազանցել է թույլատրելի շեմը միայն Կենտրոնում
ՌԴ-ն Սև ծովում հատուկ պատրաստված մարտական դելֆիններ է օգտագործում․ Բրիտանական հետախուզություն
Քաղաքականություն
23.06.2023 | 12:45
2022 թվականի ամառվանից Ռուսաստանի ռազմածովային ուժերը մեծ ներդրումներ են կատարել Սևաստոպոլում Սևծովյան նավատորմի գլխավոր բազայի անվտանգության ամրապնդման համար, BBC-ի ռուսական ծառայության փոխանցմամբ՝ գրում է բրիտանական ռազմական հետախուզությունը։
Նավահանգստի մուտքի մոտ տեղադրվել են ցանցերի և բոմերի առնվազն չորս շերտ, իսկ վերջին շաբաթների ընթացքում այդ պաշտպանությունն ուժեղացվել է վարժեցված ծովային կաթնասուններով, ասվում է զեկույցում:
Լուսանկարներում երևում են, որ նավահանգստում ծովային կենդանիների լողացող բների թիվը գրեթե կրկնապատկվել է: Դրանցում, ամենայն հավանականությամբ, բնակեցված են դելֆինների ամենահայտնի ցեղատեսակը՝ շշալեզու դելֆինները։
Արկտիկայի ջրերում Ռուսաստանի ռազմածովային ուժերն օգտագործում են նաև բելուգաներին և փոկերին: Ռուսաստանը վարժեցնում է ծովային կենդանիներին տարբեր առաջադրանքների համար, սակայն Սևաստոպոլի նավահանգստում տեղակայվածներն, ամենայն հավանականությամբ նախատեսված են թշնամու սուզորդներին դիմակայելու համար, հայտնում է բրիտանական հետախուզությունը:
