25.07.2026 | 12:49
Ընտրակաշառքի գործով հետախուզվող 31-ամյա տղամարդը հայտնաբերվել և ձերբակալվել է Եղեգնաձորում
Իրանում ալկոհոլային թունավորումը 15 մարդու կյանք է խլել
Քաղաքականություն
20.06.2023 | 21:42
Իրանի հյուսիսում գտնվող Ալբորզ նահանգում ալկոհոլից թունավորման հետևանքով 15 մարդ է մահացել։ Այս մասին հայտնել է ISNA գործակալությունը։
«Երեքշաբթի առավոտվա դրությամբ՝ մեթանոլից թունավորման դեպքերի թիվն Ալբորգում հասել է 182-ի։ Այս պահի դրությամբ մահացել է 15 մարդ, ևս 5-ը ինտենսիվ թերապիայի բաժանմունքում է»,- նշել է նահանգի բժշկական գիտությունների համալսարանի նախագահ Շախրամ Սայադին։
Նա նշել է, որ տուժածներից 40-ը հոսպիտալացման կարիք է զգում, նրանց անհրաժեշտ օգնություն է ցուցաբերվում։
Անցյալ շաբաթ Կերեջա քաղաքի (Ալբորզ նահանգի վարչական կենտրոն) մի քանի բնակիչներ ծանր թունավորման նախանշաններով տեղափոխվել են բուժհաստատություններ։ Բժիշկները պարզել են, որ հիվանդները թունավորվել են կեղծ ալկոհոլից։ Իրավապահները պարզում են, թե այն ինչպես կարող էր շուկա հասնել։
Ալկոհոլի արտադրությունը, վաճառքը և օգտագործումը Իրանում արգելված է 1979 թվականի իսլամական հեղափոխությունից ի վեր:
Տաթև Ֆռանգյան
