25.08.2026 | 19:44
Ադրբեջանը կուլիսներում աշխատում է Իսրայելի և Թուրքիայի միջև լարվածությունը մեղմելու ուղղությամբ․ իսրայելական աղբյուրներ
Ասելիք չունեմ, թող հրավիրեն հարցաքննության. Անահիտ Ավանեսյանը` քովիդի գործի մասին․ ՏԵՍԱՆՅՈՒԹ
Հասարակություն
08.06.2023 | 12:14
Ես բոլոր տեսակի քննադատություններին շատ լավ եմ վերաբերվում: Այս մասին այսօր՝ հունիսի 8-ին, կառավարության նիստից հետո լրագրողների հետ զրույցում նշեց առողջապահության նախարար Անահիտ Ավանեսյանը՝ անդրադառնալով նրան, որ առողջապահության նախկին նախարար, այժմ ՔՊ-ական պատգամավոր Արսեն Թորոսյանը պարբերաբար քննադատում է նախարարության աշխատանքը:
Լրագրողները հետաքրքրվեցին՝ այդ թվում նաև նախկին նախարար Արսեն Թորոսյանի քննադատությունների՞ն՝ արձագանքեց. «Իհարկե, ինչո՞ւ ոչ»։
Ավանեսյանն ասաց, թե իրենց հարաբերությունները «շատ լավ են, գործընկերային»։
Անդրադարձավ Քովիդի գործով իրեն հարցաքննելու վերաբերյալ հարցին՝ նախարարն ընդգծեց, որ այդ գործով իրեն հարցաքննության չեն կանչել։
«Ես մի քանի անգամ նշել եմ, որ հարցաքննությունն ինտերվյու չէ, որ ես որոշեմ՝ տամ կամ չտամ, երբ կարիքը կառաջանա, ես կտամ։ Ինձ հարցաքննության չեն հրավիրել, երբ քննիչները դրա անհրաժեշտությունը տեսնեն, դրա կարիքը առաջանա, իհարկե, ես կներկայանամ ու կտամ բացատրություններ»,- նշեց Անահիտ Ավանեսյանը։
Նախարարը միաժամանակ ընդգծեց, որ իր գործունեությունը մշտապես եղել է թափանցիկ, ներկայացրել է կորոնավիրուսի դեմ պայքարի շրջանակներում իրականացվող քաղաքականությունը, ինչի համար է գումարը ծախսվում, և այլն։
«Ինչ ունեմ ասելիք, ասում եմ հանրային կերպով»,- հավելեց Ավանեսյանը։
Մանրամասները՝ տեսանյութում։
