01.11.2024 | 17:38
Փոխվարչապետ Տիգրան Խաչատրյանն ընդունել է Ֆրանսիայի Օվերնյ-Ռոն-Ալպեր շրջանի պատվիրակությանը
LEASING EXPO 2023․ ՄՀՀ-ում բացվել է 100-ից ավելի բրենդ ներկայացնող աննախադեպ ցուցահանդեսը. ՏԵՍԱՆՅՈՒԹ
Տնտեսություն
02.06.2023 | 22:56
Հայաստանում անցկացվում է առաջին անգամ։ Կազմակերպիչը «Բիգ փրոջեքթս» ընկերությունն է, համակազմակերպիչը՝ Հայաստանի լիզինգատուների ասոցիացիան։
Ցուցահանդեսի պաշտոնական աջակիցը ՀՀ Էկոնոմիկայի նախարարությունն է։
Ծանոթանալ տեղական և միջազգային շուկայի տեխնիկական ու տեխնոլոգիական նորարարություններին և առաջարկներին, ձեռք բերել վերջին սերնդի նորագույն սարքավորումներ՝ հատուկ առաջարկներով, շահավետ համագործակցության հնարավորությամբ․ LEASING EXPO 2023-ը միասնական հարթակ է, որը մեկ հարկի տակ է հավաքել մատակարար ընկերություններին, ֆինանսական կառույցներին ու գործարարներին։ Էքսպոն հնարավորություն կտա գեներացվող գաղափարները կյանքի կոչել․ կազմակերպիչները հույս ունեն, որ այն կանցկացվի ամեն տարի։
Գյուղատնտեսական սարքավորումներ, արևային պանելներ, տրանսպորտային միջոցներ և էլեկտրոմոբիլներ, շինարարական տեխնիկա, արդյունաբերական, արտադրական ու առողջապահական սարքավորումներ, HoReCa մատակարարներ, օդափոխության համակարգեր, սառնարանային ու ջերմոցային տնտեսություն, ֆինանսական կառույցներ․ այս ոլորտների ամենահետաքրքիր առաջարկներին կարող եք ծանոթանալ ընդամենը 3 օր` հունիսի 2-ից 4-ը ներառյալ։
Էքսպոյի մասնակիցները ներկայանում են B2B համագործակցության հատուկ պայմաններով՝ անգամ ոչ մասնակից ընկերությունների համար։ Սա հրաշալի հնարավորություն է սկսնակ գործարարների համար։
Հայաստանում լիզինգային ոլորտում առաջինը մասնագիտացված ու ամենամեծ նման պորտֆել ունեցող ԱԿԲԱ լիզինգը հետաքրքիր առաջարկներով է ներկայանում ցուցահանդեսին։ Էքսպոյի մասնակից ընկերությունների ավելի քան 90 տոկոսը համագործակցում է ԱԿԲԱ լիզինգի հետ։
«Միգ մոթոր» ընկերությունը, որը Հայաստանում հանքարդյունաբերական և ճանապարհաշինարարական մեքենա-մեխանիզմների սպասարկման ոլորտում լավագույններից է, ցուցահանդեսին ներկայանում է ամենաթարմ և վերջին նորույթներով։ Էքսպոյին մասնակցում է՝ նոր համագործակցությունների ակնկալիքով։
Գյուղատնտեսական, կոմունալ, ճանապարհաշինարարական տեխնիկայի առաջատար մատակարար և Հայաստանի ներքին շուկայում դրանց իրացմամբ զբաղվող «Սպեցմաշ» ՍՊԸ-ն էքսպոյին ներկայանում է գյուղական տնտեսության համար նախատեսված տեխնիկայով, հողափոր մեքենաներով, բեռնատարներով, բուլդոզերներով, տրակտորներով և դրանց պահեստամասերով։
«Հոզոն» ավտոկոնցեռնը ցուցահանդեսին ներկայանում է «Նետա» բրենդի 3 էլեկտրոմոբիլներով․ բրենդի պաշտոնական ներկայացուցիչը Հայաստանում «Անդրոն» ՍՊԸ-ն է։ Մեր նկարահանման ընթացքում արդեն հասցրել էին վաճառք ունենալ։
«Բոլոր սարքավորումները՝ մեկ հարթակում» խորագրով ցուցահանդեսի գլխավոր հովանավորներն են Sunny City-ն ու JCB-ն, հովանավորներն են Evoca bank-ը, Armenian Leasing Company-ն և Celsius-ը։
Խոշոր կազմակերպություններին մեկ հարկի տակ հավաքած աննախադեպ ցուցահանդեսի մուտքն ազատ է։ Այն կավարտվի հունիսի 4-ին՝ ժամը 20․00-ին։
Մանրամասները` տեսանյութում:
Արփի Հակոբյան
