25.07.2026 | 16:59
Ինչ եղանակ է սպասվում առաջիկա օրերին
Թուրքիայում երիտասարդների 63 տոկոսը ցանկանում է ապրել արտերկրում․ հարցում
Քաղաքականություն
02.06.2023 | 23:15
Ըստ Konrad-Adenauer-Stiftung-ի Թուրքիայի մասնաճյուղի իրականացրած «Թուրք երիտասարդության ուսումնասիրության»՝ երկրում երիտասարդների մոտ 63%-ը ցանկություն է հայտնել ապրել այլ երկրում, եթե դրա հնարավորությունը լինի, գրում է Duvar-ը։
Նախընտրելի երկրների հնգյակում են Գերմանիան՝ 14,5%, ԱՄՆ-ը՝ 13,8%, Մեծ Բրիտանիան՝ 9,8%, Կանադան՝ 7,0%, Նորվեգիան՝ 6,7%։ Այլ երկրում ապրելու ցանկության հիմնական դրդապատճառը, որ նշել է հարցվածների 47,8 տոկոսը, կենսապայմանների բարելավման հեռանկարն է: Երկրորդ կարևորագույն պատճառը, որը մասնակիցների 20,7 տոկոսի համոզմունքն է, որ այս երկրներն ավելի շատ ազատություն են առաջարկում:
Հարցումն իրականացվել է 2022 թվականի դեկտեմբերի 5-ից 2023 թվականի հունվարի 20-ը՝ երկրի 16 նահանգների քաղաքների կենտրոններում, 2140 հոգու մասնակցությամբ: Հետազոտության թիրախային խումբը երիտասարդներն են՝ 18-ից 25 տարեկանները։ Հարցվածների միայն 17,3 տոկոսն է ասել, որ երջանիկ է զգում Թուրքիայում։ Մեծամասնությունը, որը կազմում է 52,5 տոկոսը, իրեն բնութագրել է որպես չափավոր երջանիկ, իսկ 30,1 տոկոսն իրեն դժբախտ է համարել։
Հարցվածների մոտ 73,0 տոկոսը կարծում է, որ Թուրքիան տնտեսապես թերզարգացած կամ զարգացող երկիր է, մինչդեռ 80,6 տոկոսը նշել է, որ Թուրքիայի ներկայիս տնտեսական քաղաքականությունն անհաջող է։
Էմմա Չոբանյան
