12.10.2026 | 16:26
«Լիդիան Արմենիան» երկու բնապահպան իրավապաշտպաններից 6-ական մլն դրամ է պահանջում․ միջազգային կառույցների ահազանգը
Հայաոչնչացման ծրագիր, որը տրագեդիա է մեզ համար․ Արամ Մանուկյանն՝ օպտիմալացված դպրոցների մասին․ ՏԵՍԱՆՅՈՒԹ
Հասարակություն
03.07.2018 | 17:45
Հայաստանում նախորդ տարվանից մեկնարկած դպրոցների օպտիմալացման գործընթացը լի է տարատեսակ խնդիրներով, որոնք, ըստ կրթության փորձագետների, հրատապ կարգով պետք է լուծել, որպեսզի չտուժի կրթական համակարգը։
«Դպրոցների օպտիմալացումը ՀՀ-ում» թեմայով զեկույցի շնորհանդեսի ժամանակ ՀԱԿ նախկին պատգամավոր Արամ Մանուկյանն, անդրադառնալով այս խնդրին, նշեց, որ այն հայաոչնչացման ծրագիրը, որը դրված էր նախորդ իշխանությունների ժամանակ, մեծ ողբերգություն է, իսկ այդ ողբերգությունը տարածվում էր դպրոցների վրա․ «Յուրաքանչյուր օպտիմալացված, ոչնչացված դպրոց ոչնչացնում է համայնքը, իսկ օպտիմալացված դպրոցների մեծ մասը սահմանային դպրոցներն են, այսինքն, այստեղ կա ազգային անվտանգության խնդիր և կարևոր մարտահրավեր, որի լուծումը պետք է իրականացնել անհապաղ»։
Խոսելով լուծման տարբերակների մասին՝ Արամ Մանուկյանը նշեց, որ նախևառաջ անհրաժեշտ է ուսումնասիրել միջազգային հաջողված փորձը, որպեսզի փրկվեն ոչնչացված դպրոցները, որոնք ճանապարհ են բացում դեպի արտագաղթը։
Հարցին՝ արդյոք օպտիմալացում անհրաժեշտ է, թե ոչ, Արամ Մանուկյանը նշեց, որ օպտիմալացում պետք է, քանի որ անհնար է այն շրջանցել, քանի որ ամբողջ աշխարհը գնացել է այդ ճանապարհով: «Երկրներ կան, որ չեն ցավում այս պրոբլեմներից, օրինակ՝ Ռուսաստանում տարեկան 1000 դպրոց փակվում է, սակայն, Հայաստանի համար տարեկան 20 դպրոց փակելը տրագեդիա է»,- ասաց Արամ Մանուկյանը։
Մանրամասները՝ տեսանյութում։
