20.02.2026 | 02:07
Ադելիա Պետրոսյանը մեդալ չնվաճեց ձմեռային Օլիմպիական խաղերում
Օվերչուկը հայտարարել է, որ Հայաստանի, ՌԴ-ի և Ադրբեջանի փոխվարչապետների հանդիպումը տեղի կունենա առաջիկայում
Քաղաքականություն
31.05.2023 | 16:45
Ռուսաստանի Դաշնության, Հայաստանի և Ադրբեջանի փոխվարչապետների հանդիպումը Հարավային Կովկասում տրանսպորտային հաղորդակցությունների ապաշրջափակման հարցերի շուրջ տեղի կունենա առաջիկայում։ Այս մասին հայտնել է ՌԴ փոխվարչապետ Ալեքսեյ Օվերչուկը։
«Այսօր պայմանավորվածություն է ձեռք բերվել, որ այդ աշխատանքային խումբը տեղի կունենա առաջիկայում։ Հարցերը, որոնք կքննարկվեն, վերաբերում են Ադրբեջանի և Հայաստանի միջև սահմանի հատման եղանակին վերաբերող տեխնիկական մանրամասներին։ Բանն այն է, որ այդ սահմանին լինելու է անձնագրային, մաքսային և բոլոր այլ տեսակի հսկողություն, որոնք գոյություն ունեն միջազգային սահմաններին»,- ասել է Օվերչուկը՝ պատասխանելով «Ինտերֆաքս»-ի հարցին։
Նա նշել է, որ կողմերն «այսօր շատ մոտ են նրան, որ խոսեն այն մասին, որ մենք կարող ենք վերականգնել երկաթուղային հաղորդակցությունը Ադրբեջանի և Նախիջևանի միջև»։
«Նաև Հայաստանը հնարավորություն է ստանում ապաշրջափակվել ու շարժվել Նախիջևանով, Սյունիքով և Ադրբեջանով դեպի Ռուսաստան, ԵՄ երկրներ, ինչպես նաև դուրս գալ Իրան»,- ասել է ՌԴ փոխվարչապետը։
Էմմա Չոբանյան
