«Ձեր ձայնը մի՛ բարձրացրեք», «Ինձ մի՛ ընդհատեք». լեզվակռիվ Ազգային ժողովում․ ՏԵՍԱՆՅՈՒԹ

Ազգային Ժողովի պաշտպանության և անվտանգության հարցերի ու ֆինանսավարկային և բյուջետային հարցերի մշտական հանձնաժողովների այսօրվա նիստում բանավեճ տեղի ունեցավ «Քաղաքացիական պայմանագիր» խմբակցության պատգամավոր, հանձնաժողովի նախագահ Անդրանիկ Քոչարյանի և «Հայաստան» խմբակցության պատգամավոր Արթուր Խաչատրյանի միջև։

«Այն, ինչ ասաց պարոն Քոչարյանը, ավելի մեծ քննադատություն ոստիկանության հասցեին, չէի պատկերացնում: Մարդն ասում է՝ 6 ոստիկան աչքերը փակեց խախտման վրա, մենակ մեկը կանգնեցրեց, այսինքն՝ 7 պարեկից 6-ը, ըստ պարոն Քոչարյանի, իրավունք չունի ուսադիր կրի»,- նշեց Խաչատրյանը։

Անդրանիկ Քոչարյանը Խաչատրյանին հորդորեց չաղավաղել իր խոսքերը:

«Պարո՛ն Քոչարյան, թողեք ավարտեմ խոսքս․․․»,- վրդովված ասաց Խաչատրյանը:

«Ձեր ձայնը մի՛ բարձրացրեք, ինձ վրա ոչ մեկը ձայն չի բարձրացրել»,- ընդդիմադիր պատգամավորին սաստեց Քոչարյանը։

«Դուք անընդհատ ընդհատում եք։ Դուք ասացիք՝ 6 հոգու մոտով անցանք, ոչ մեկը չկանգնեցրեց, մեկը կանգնեցրեց, եթե այդպես չէր, բա էդ մեկին ինչո՞ւ եք ուզում խրախուսել»,- հանձնաժողովի նախագահից դժգոհեց ընդդիմադիր պատգամավորը։

Դրա համար էլ բոլորը փոխվեցին»,- ասաց Քոչարյանը:

«Բոլորը որ փոխվեցին, նոր ասացիք այդ մասին, բայց փոխվելը ոչ մի բան չի նշանակում,- ասաց Խաչատրյանը:

Ավելի վաղ Անդրանիկ Քոչարյանը հայտնել էր, թե ինչպես են պարեկների աշխատանքի արդյունավետությունը ստուգելու համար մեկ մեքենայի մեջ երթևեկող պատգամավորներով գերազանցել արագությունը, և մարզային ճանապարհային ոստիկաններն իրենց չեն կանգնեցրել, բայց Երևանում պարեկները կանգնեցրել են ու վարչական ակտ գրել, և ինքը ոստիկանապետին խնդրել է խրախուսել պարեկային նոր ստեղծված ծառայության 3 աշխատակիցներին, որոնք ակտ էին գրել։

Մանրամասները՝ տեսանյութում։