14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Ստեփանակերտում բազմաբնակարան շինություն է փլվել. տուժածներ չկան.Լուսանկարներ
30.06.2018 | 19:04
Ստեփանակերտի Գրիգոր Լուսավորիչ փողոցում տուն է փլվել: Բարեբախտաբար տուժածներ չկան: Այս թաղամասում են գտնվում Ստեփանակերտի ամենահին շենքերը, որոնք կառուցվել են դեռեւս 1800-ականներին:
«Մարշրուտկայի մեջ էի, զանգեցին, թե տունը փլվել է, երեխաներին բան չի պատահել, դրանից հետո միայն հանգստացա», – ասում է տան բնակիչների հարազատներից Ալբինա Հարությունյանը:
«Երեք եղբայրներ այստեղ են ապրում: Երբ որ զինկոմիսարիատից կանչեն, կարո՞ղ է պատահել, որ նրանք չներկայանան: Ապա ինչո՞ւ միայն այդ ժամանակ են հիշում նրանց մասին, իսկ երբ նրանց բնակարանի խնդիր ունեն, չեն բավարարում: Տաքսիստ են աշխատում, 2 հազար դրամ աշխատում, կեսը գազ լցնում, կեսն էլ բերում իր երեխաների սեւ հացն է առնում, որ ուտեն, մարդիկ էլ 27 ձեւի ջիպեր կա տակները, ինչի՞ համար», բողոքում է Ալբինա Հարությունյանը:
«Ընտանիքս բաղկացած է 16 շնչից, 7 անչափահաս երեխաներ կան: Էսօր 12:30 շենքի կեսը փլվել է, երբ երեխաները բակում խաղում էին: Խաղահրապարակ չկա: Եկել եմ տեսել երեխաները փոշու մեջ կորած: Փառք Ատծո, բան չի պատահել նրանց: Մենք շնորհակալ ենք մեր նախագահ Բակո Սահակյանից, որ 7 ընտանիքների բնակարանային հարցը լուծել է, մնացել ենք այս երկու ընտանիքը, ես եւ իմ հարեւանը: Բազմիցս դիմել ենք, բայց մինչեւ այսօր գտնվում ենք սպասողական վիճակում: Դիմել ենք նաեւ, որ անձամբ Ստեփանակերտի քաղաքապետը գա, այլ ոչ թե նրա տեղակալները: Մեկին 50 տուն տուն ունի, մյուսին մեկն էլ չունի: Ասում են Արցախի բալիկները շատանան, երեք հարս ունեմ, հա, մենք էլ ենք ուզում, որ շատանան, բայց ինչպես շատանան այսպիսի պայմաններում», – ասում է միջադեպի հասցեի տան բնակիչ Արծվիկ Շահնազարյանը:
Հարեւանությամբ գտնվող 8 ընտանիքներից 6-ի բնակարանային խնդիրը լուծվել է կառավարության սոցիալական ծրագրերով իսկ 2 ընտանիք հրաժարվում են օգտվել նման ծրագրերից, ակնկալելով ավելի լայն մակերեսով տուն ստանալ: Շինությունները վթարային են գնահատվել դեռեւս 2015 թվականին:
