17.03.2026 | 12:32
Եվրոպական առաջնորդները զգուշացրել են Իսրայելին՝ Լիբանան ցամաքային ներխուժումը պետք է կանխվի
««Մարտի 1»-ի գործով Ռոբերտ Քոչարյանը հարցաքննության չի կանչվել». Վիկտոր Սողոմոնյան
30.06.2018 | 18:00
Հատուկ քննչական ծառայության պետ Սասուն Խաչատրյանն օրերս Կառավարության նիստից առաջ լրագրողների հետ զրույցում նշել էր, որ ՀՔԾ-ն քաղաքական կամք ունի «Մարտի 1»-ի գործը բացահայտելու, իսկ հարցին՝ ՀՀ երկրորդ նախագահ Ռոբերտ Քոչարյանն արդյոք կկանչվի հարցաքննության, պատասխանել էր. «Ես նյութերը կհրապարակեմ այն ծավալով, որ ծավալով որ չի վնասի գործի քննությանը: Խնդրում եմ ընդունեք, որ որևէ կաշկանդվածություն որևէ անձից՝ որևէ անձի հարցաքննության հրավիրելու, հարցաքննության կանչելու, չկա։ Եվ նորից եմ կրկնում՝ կա կամք դեպքը բացահայտելու»։
ՀՔԾ պետի այս պատասխանից հետո Factor.am-ը կապ հաստատեց 2-րդ նախագահի գրասենյակի ղեկավար Վիկտոր Սողոմոնյանի հետ պարզելու՝ արդյոք Ռոբերտ Քոչարյանը հրավիրվել է հարցաքննության:
«ՀՀ 2-րդ նախագահ Ռոբերտ Քոչարյանը «Մարտի 1»-ի գործով հարցաքննության չի կանչվել, նրան այդ հարցով որևէ մարմին չի ծանուցել, այս պահին էլ Ռոբերտ Քոչարյանը գտնվում է ՀՀ-ից դուրս՝ «Սիստեմա» ԲՖԿ-ի խորհրդի նիստին մասնակցելու պատճառով»,-մեզ հետ զրույցում ասաց Վիկտոր Սողոմոնյանը:
