24.06.2026 | 18:10
ՀԱՊԿ-ում կքննարկեն Հայաստանին հեռացնելու հարցը // Սեդա Սաֆարյանը կմասնակցի ՍԴ նիստին․ ԼՈՒՐԵՐ
Մարտի 1-ի և Հոկտեմբերի 27-ի գործերով բովանդակային առումով դեռ ասելիք չունենք․ Վարդապետյան․ ՏԵՍԱՆՅՈՒԹ
Քաղաքականություն
03.05.2023 | 12:00
«Հոկտեմբերի 27-ի ու Մարտի 1- ի գործերի վերաբերյալ տվյալներ հաղոդման նախագծում ներառված են եղել, բայց իմ կողմից դրանք վերջնական տարբերակում չեն ներառվել, որովհետև իմ գնահատմամբ բովանդակային առումով մենք ԱԺ-ին ու հասարակությանը, ցավոք, դեռ ասելիք չունեինք»,- ԱԺ-ում Դատախազության 2022 թվականի տարեկան հաղորդումը ներկայացնելիս հայտարարեց Գլխավոր դատախազ Աննա Վարդապետյանը՝ պատասխանելով ԱԺ փոխխոսնակ Հակոբ Արշակյանի հարցին, թե երբ են բացահայտվելու այդ հանցագործությունները, ինչ ընթացքում գտնվում այդ գործերը։
«Մարտի 1-ի գործը, որը կազմված է 800 հատորից, գտնվում է մեկ քննիչի վարույթում։ Յուրաքանչյուր շաբաթ առնվազն մեկ անգամ զեկուցվում է ինձ, և քանի որ վարույթներով կան ժամկետներ, ըստ ժամկետների հրատապության դրվագները քննարկվում են»,- նշեց Վարդապետյանը։
Գլխավոր դատախազը նաև հայտնեց, որ գրություն է հասցեագրել Հակակոռուպցիոն կոմիտեի նախագահ Սասուն Խաչատրյանին՝ խնդրելով դիտարկել քննչական խումբ ձևավորելու հնարավորությունը, քանի որ, իր գնահատմամբ, այս ծավալի վարույթը մեկ քննիչի կողմից քննելն անիրատեսական է։
Ինչ վերաբերում է Հոկտեմբերի 27-ի գործին՝ դատախազն ասաց, թե ինքը դեռ չի հասցրել անդրադառնալ դրան և վստահեցրեց, որ Հոկտեմբերի 27-ի գործին տարվա երկրորդ կեսին կանդրադառնա:
Մանրամասները՝ տեսանյութում։
