17.05.2026 | 10:37
UFC. Հայտնի է Քոնոր Մաքգրեգորի հաջորդ մրցակիցն ու մենամարտի օրը
Դեպքով զբաղվում ենք. ԱՍՀ նախարարությունն արձագանքել է օգտատերերի ահազանգերին
Հասարակություն
30.04.2023 | 12:43
ՀՀ աշխատանքի և սոցիալական հարցերի նախարարությունն արձագանքել է անօթևան քաղաքացու մասին համացանցում կատարված գրառումներին:
«Քանի որ այս մասին բազմաթիվ նամակներ ու զանգեր եմ ստանում, այսպես տեղեկացնեմ, որ դեպքով զբաղվում ենք. քաղաքացուն նույնականացնելուց հետո նախարարությունն՝ ի դեմս Միասնական սոցիալական ծառայության, կգնահատի նրա կարիքներն ու ըստ այդմ՝ կմատուցվեն անհրաժեշտ ծառայություններ։
Գնահատված կարիքին համարժեք՝ քաղաքացուն կամ կտեղափոխենք տարեցների խնամքի կենտրոն, կամ տնային պայմաններում խնամք կնշանակվի կամ որևէ այլ ծառայություն, որն այդ դեպքում կլինի անհրաժեշտ։
Ընթացքից լրացուցիչ կտեղեկացնեմ։ Շնորհակալություն, որ խնդիրները տեսնում ու ահազանգում եք»,- գրել է նախարարության մամուլի քարտուղարը:
Ավելի վաղ օգտատերերից մեկը նշել էր, որ անօթևան տղամարդը կույր է, 1-ին կարգի հաշմանդամ, մասնագիտությամբ՝ ագրոնոմ։
