26.11.2024 | 12:49
NYMEX. Թանկարժեք մետաղների գները նվազել են
Ադրբեջանը, Թուրքիան և Վրաստանը ռազմակրթական համագործակցության հարցեր են քննարկել
Քաղաքականություն
28.04.2023 | 21:40
Այսօր Բաքվում տեղի է ունեցել Ադրբեջանի, Թուրքիայի և Վրաստանի ռազմաուսումնական հաստատությունների ղեկավարների եռակողմ հանդիպումը, գրում են ադրբեջանական լրատվամիջոցները։
Ադրբեջանի ՊՆ-ի փոխանցմամբ՝ միջոցառումներն անցկացվել են պաշտպանության ոլորտում համագործակցության մասին փոխըմբռնման հուշագրի համաձայն։
Ադրբեջանի Պաշտպանության ազգային համալսարանի ռեկտոր Հեյդար Փիրիևն ընդգծել է փորձի փոխանակման կարևորությունը։ Նա նշել է, որ Ադրբեջանի, Թուրքիայի և Վրաստանի միջև սերտ համագործակցությունը ծառայում է տարածաշրջանում խաղաղության և անվտանգության ապահովմանը։ Պաշտոնյան վստահություն է հայտնել, որ նման հանդիպումները կարևոր խթան կհաղորդեն երեք երկրների ռազմաուսումնական հաստատությունների պրոֆեսորադասախոսական, սպայական և դասախոսական կազմի միջև բարեկամության հետագա ամրապնդմանը։
Հանդիպմանը թուրքական պատվիրակությունը գլխավորել է ցամաքային զորքերի դպրոցի ղեկավար, գեներալ-մայոր Գյուլթեքին Յարալին, իսկ Վրաստանի պատվիրակությունը՝ Ազգային պաշտպանության ակադեմիայի ռեկտոր, բրիգադի գեներալ Մամիյա Բալախաձեն։
Հավելենք, որ օրերս էլ Վրաստանի ՊՆ ղեկավարն այցով Բաքվում էր, որի ընթացքում հանդիպել է Ադրբեջանի պաշտպանության նախարարին, ինչպես նաև երկրի նախագահին։
Էմմա Չոբանյան
