24.02.2026 | 23:39
Հայաստանի մի շարք հասցեներում էլեկտրաէներգիայի անջատումներ կլինեն
Մեր Սահմանադրության մեջ վերացե՞լ է, որ մարդը բարձրագույն արժեք է. Նինա Կարապետյանց․ ՏԵՍԱՆՅՈՒԹ
Հասարակություն
28.04.2023 | 14:56
Օրենքով սահմանված է, որ ձերբակալված անձը իրավունք ունի իմանալու, թե ինչու են իրեն զրկել ազատությունից, պահպանել լռություն, ընտրաված անձին տեղեկացնելու իր գտնվելու վայրի մասին, հաղորդակցվելու, տեսակցելու փաստաբանի հետ, պահանջելու ենթարկել բժշկական զննության։ «Ոստիկանության քրոնիկոն. մարդու իրավունքների զանգվածային ոտնահարումը շարունակվում է» թեմայով քննարկման ժամանակ այս մասին նշեց «Հելսինկյան ասոցիացիա» ՀԿ-ի նախագահ Նինա Կարապետյանցը։
Նրա խոսքով այս իրավունքների իրացման հնարավորություն պետք է ընձեռել քաղաքացուն ոչ ուշ, քան ազատությունից զրկելուց հետո 3 ժամը լրանալու պահից։
«Օրենքում բավականին խստացումներ են արվել, նշված է, որ ձերբակալված անձը պարտավոր է ենթարկվել վարույթ իրականացնող մարինների կարգադրություններին, մինչդեռ պետք է նշվի օրինական կարգադրություններին, ոչ թե ցանկացած կարգադրության։
Պարտադիր է համարվում նաև փորձաքննության համար նմուշներ հանձնելը, մինդեռ դա պետք է լինի ձերբակալվածի ցանկությամբ ոչ թե պարտադիր կարգադրությամբ»,- ընդգծեց իրավապաշտպանը։
Կարապետյանցի դիտարկմամբ՝ ամենավատ բանն է, երբ իշխանությունը պատրաստ է իր գործողություններն արդարացնելու և իր շահերի համար արդարացնել և՛ ատելության խոսքը, և՛ բռնությունը։
«Մեր Սահմանադրության մեջ վերացե՞լ է, որ մարդը բարձրագույն արժեք է»,- այս հարցադրումն արեց իրավապաշտպանը։
Մանրամասները՝ տեսանյութում։
