17.02.2026 | 18:19
Բևեռացումը բերել է նրան, որ 2 եղբայր իրար վրա զենք են քաշում․ Իզաբելլա Սարգսյան․ ՏԵՍԱՆՅՈՒԹ
ԿԸՀ նախագահը կուսակցություններին հրավիրում է քննարկումների
Քաղաքականություն
28.04.2023 | 13:33
Կենտրոնական ընտրական հանձնաժողովը Ընտրական համակարգերի միջազգային հաստատության (IFES) և Ազգային ժողովրդավարական ինստիտուտի (NDI) հետ համագործակցությամբ, Հայաստանի Հանրապետությունում գրանցված կուսակցություններին հրավիրում է քննարկումների շարքի․ տեղեկացնում են ԿԸՀ-ից։
«Տեղեկատվական հանդիպում-դասընթացները կկայանան 2023 թ. մայիսի 2-5-ը, ժամը 14.00 կամ 16.00-ին՝ կուսակցությունների նախընտրած օրը: Դասընթացը նախատեսում է կարևոր տեղեկություններ տրամադրել՝ կուսակցությունների կանոնադրությունները օրենսդրության
պահանջներին համապատասխանեցնելու և ընտրական ցուցակները էլեկտրոնային եղանակով ներկայացնելու վերաբերյալ:
Քննարկումների առանցքում «Ընտրական օրենսգիրք» և «Կուսակցությունների մասին» ՀՀ սահմանադրական օրենքներում կատարված վերջին փոփոխություններն են լինելու։ Քննարկմանը յուրաքանչյուր կուսակցությունից երկու ներկայացուցիչ կարող են մասնակցել։
Գրանցվելու համար անհրաժեշտ է մինչև մայիսի 1-ը, ժամը 12.00 լրացնել մասնակիցների տվյալները՝ սեղմելով https://forms.office.com/r/tt7vbEDcPh հղումը և նշելով դասընթացի՝ նախընտրած ամսաթիվը»,- ասված է հաղորդագրությունում։
