09.09.2026 | 12:03
ՌԴ-ն հարվածել է Ուկրաինա-Մոլդովա սահմանի անցակետին․ երկու մարդ զոհվել է
Նկարներ ու փաստեր ենք ներկայացրել վարչապետին, նա որոշ բաներ չգիտեր․ զոհված զինծառայողի հայր․ ՏԵՍԱՆՅՈՒԹ
Հասարակություն
27.04.2023 | 18:47
Գեղարքունիքի մարզի Ազատ գյուղի զինվորական կացարանում 3 ամիս առաջ զոհված զինծառայողների ծնողներն այսօր հանդիպել են վարչապետ Նիկոլ Փաշինյանին: Զոհված Գագիկ Բարսեղյանի հայրը՝ Արմեն Բարսեղյանը, շուրջ 3 ժամ տևած հանդիպումից հետո լրագրողների հետ զրույցում ասաց, որ վարչապետին նկարներ ու փաստեր են ցույց տվել։ Գրավոր հարցեր են ներկայացրել, որոնց երկրի ղեկավարը կպատասխանի առաջիկայում, հստակ օր ու ժամ չի նշել։
«Փաշինյանի հետ հանդիպմանը քննարկել ենք այն հարցերը, որոնց հետ կապված, գուցե, ինքը ճիշտ տեղեկացված չէր։ Մենք ունենք փաստեր, նկարներ` ցույց ենք տվել նրան, որ հասկանանք, թե ինչքանով է տեղյակ դեպքի մասին։ Մեզ պատասխանեցին, որ կուսումնասիրեն, կպատասխանեն»,– ասաց Բարսեղյանը։ Ծնողների լիազոր ներկայացուցիչ, փաստաբան Նորայր Նորիկյանը հանդիպմանը չէր մասնակցում։
Մանրամասները՝ տեսանյութում։
Արփի Հակոբյան
