08.04.2026 | 22:14
Արփինե Սարգսյանը պարգևատրել է Փրկարար ծառայության և Ոստիկանության լավագույն ծառայողներին ու ստորաբաժանումների ղեկավարներին
Ադրբեջանն ու Հայաստանը պետք է ճանաչեն միմյանց տարածքային ամբողջականությունը․ Ֆրանսիայի ԱԳ նախարարը՝ Բայրամովին
Քաղաքականություն
27.04.2023 | 15:25
Ֆրանսիայի ԱԳ նախարար Կատրին Կոլոննան Ադրբեջանի ԱԳ նախարարի հետ համատեղ ասուլիսում հայտարարել է, որ Փարիզը խրախուսում էԵրևանի ու Բաքվի միջև խաղաղության բանակցությունները։
«Հարցը լուծելու միակ միջոցը խաղաղ բանակցություններն են։ Մենք կցանկանայինք, որ երկու երկրներն էլ հավատարիմ լինեն դրան: Ֆրանսիան ողջունում է Հայաստանի հետ հարաբերությունները բարելավելու՝ Ադրբեջանի պատրաստակամությունը։ Հայաստանն ու Ադրբեջանը պետք է ճանաչեն միմյանց տարածքային ամբողջականությունը»,- ասել է Կոլոննան։
Նա նաև կոչ է արել Երևանին ու Բաքվին՝ հրաժարվել ռազմատենչ հռետորաբանությունից։
«Ինձ համար կարևոր էր հանդիպել ձեզ հետ, քննարկել իրավիճակը։ Այս բոլոր հարցերը պետք է դիտարկել ընդհանուր համատեքստում, դրանք առանձին դիտարկել չի կարելի։ Հուսով եմ՝ շուտով նորություններ կլսեմ հարաբերությունների կարգավորման մասին»,- ասել է Ֆրանսիայի ԱԳ նախարարը՝ նշելով, որ Փարիզն իր հերթին մշտապես փորձում է նպաստել տարածաշրջանում խաղաղությանը և որևէ այլ նպատակ չի հետապնդում։
Էմմա Չոբանյան
