13.09.2026 | 11:45
Մինչև 23։00-ն Երևանում մի շարք փողոցներում կսահմանափակվի տրանսպորտային միջոցների կանգառն ու կայանումը
Ուղիղ եթերում ինքնազգացողությունը վատանալուց հետո Էրդողանը չեղարկել է այսօրվա նախընտրական հանդիպումները
Քաղաքականություն
26.04.2023 | 15:42
Թուրքիայի նախագահ Ռեջեփ Թայիփ Էրդողանը, որի ինքնազգացողությունը նախօրեին վատացել էր Kanal 7-ի և Ulke TV-ի համատեղ ուղիղ եթերի հարցազրույցի ժամանակ, չեղարկել է այսօրվա նախընտրական հանդիպումները։
«Այսօր բժիշկների խորհրդով կհանգստանամ տանը։ Ցավոք, այսօր չենք կարողանա հավաքվել Քըրըքքալեի, Յոզգաթի և Սիվասի եղբայրներիս հետ։ Աստծո թույլտվությամբ վաղվանից մեր ծրագիրը կշարունակենք։ Կշարունակենք աշխատել մեր սիրելի ազգին Թուրքիայի դարի նպատակներին հասնելու համար»,- գրել է Էրդողանը Թվիթերում՝ նշելով, որ փոխարենը հանդիպումներին ներկա կլինի փոխնախագահ Ֆուադ Օքթայը։
Ավելի վաղ հայտնել էինք, որ նախօրեին ուղիղ եթերում Էրդողանի ինքնազգացողության վատացման պատճառով հարցազրույցի հեռարձակումը դադարեցվել էր։ Եթեր վերադառնալուն պես Էրդողանն անդրադարձել է իր առողջական խնդիրներին՝ նշելով, որ ինտենսիվ քարոզարշավի պատճառով ստամոքսի հետ կապված խնդիրներ ունի։
Էմմա Չոբանյան
