24.02.2026 | 15:05
Կոկաինի գործով նիստը, որով ԴԱՀԿ նախկին պետ Միհրան Պողոսյանը մեղադրյալ է, հետաձգվեց
Էրդողանի ինքնազգացողությունը վատացել է ուղիղ եթերում հարցազրույցի ժամանակ. ՏԵՍԱՆՅՈՒԹ
Քաղաքականություն
26.04.2023 | 12:21
Թուրքիայի նախագահ Ռեջեփ Թայիփ Էրդողանի ինքնազգացողությունը վատացել է երեկ երեկոյան ուղիղ հեռարձակմամբ հարցազրույցի ժամանակ, գրում են տեղական լրատվամիջոցները։
Էրդողանը մասնակցում էր Kanal 7-ի և Ulke TV-ի համատեղ հարցազրույցին․ Թուրքիայի նախագահի ինքնազգացողության վատացման կադրերը հայտնվել են սոցիալական ցանցերում։
Մինչ հարցազրուցավարը հարց է տալիս, ձայն է լսվում՝ «Կոմերցիոն դադար»։ Այնուհետև հարցազրուցավարը փորձում է ոտքի կանգնել, լսվում է «Օհ, ո՛չ» բացականչությունը, և հաղորդումը կտրուկ ընդհատվում է։ Էրդողանի վատանալու պատճառով հարցազրույցի հեռարձակումը 25 րոպե դադարեցվել է։ Եթեր վերադառնալուն պես Էրդողանն անդրադարձել է իր առողջական խնդիրներին։
«Ես ինտենսիվ քարոզարշավ էի անում երեկ ու այսօր։ Ստամոքսս սաստիկ մրսել է։ Երբեմն նման իրավիճակում ենք հայտնվում խիտ գրաֆիկի պատճառով։ Ես ներողություն եմ խնդրում ձեզանից ու հեռուստադիտողներից»,-ասել է Էրդողանը։
Եթեր վերադառնալուց հետո Էրդողանը խոսել է մոտ 12 րոպե․ հարցազրույցը նախատեսվածից շուտ ավարտվել է։
Էմմա Չոբանյան
