24.11.2024 | 18:04
Թբիլիսիում կանայք երթ են անցկացնում․ պահանջում են Բիձինա Իվանիշվիլիի հրաժարականը
Թուրքիայի հետ առևտուրն աճել է 4,4 անգամ․ ինչ է ներմուծվում և արտահանվում․ ՏԵՍԱՆՅՈՒԹ
Տնտեսություն
25.04.2023 | 20:30
2022 թվականին, 2021-ի համեմատ, Հայաստանի և Թուրքիայի միջև ապրանքաշրջանառությունն աճել է 4.4 անգամ․ եթե 2021թ-ին շրջանառությունը կազմել է 73․5 մլն դոլար, ապա անցած տարի այն հասել է 324․5 մլն դոլարի։ ՀՀ վիճակագրական կոմիտեի այս տվյալները Factor.am-ին տրամադրել է Էկոնոմիկայի նախարարությունը։
Թուրքիայից Հայաստան ներմուծված առավել բարձր մաքսային արժեք ունեցող հիմնական ապրանքներն են՝
- Ալյումինե ձող և տրամատ,
- Ցիտրուսային պտուղ՝ թարմ կամ չորացրած,
- Տրիկոտաժե պաստառներ,
- Կոստյում, ժակետ, բլայզեր, զգեստ, փեշ, տաբատ և այլ հագուստ,
- Էլեկտրական ջեռուցիչ, տարածքի և բնահողի տաքացման էլեկտրասարք, այլ կենցաղային սարքեր,
- էլեկտրատաքացնող սարքեր,
- Փայտանրբաթելային սալիկներ և նման սալիկներ փայտանյութից կամ այլ փայտացած նյութերից,
- Շարժիչային փոխադրամիջոց հատուկ նշանակության,
- Շարժիչային փոխադրամիջոց բեռնափոխադրման համար,
- Մանվածք սինթետիկ մանրաթելերից, չկշռածրարած։
Հայաստանից Թուրքիա արտահանված առավել բարձր մաքսային արժեք ունեցող հիմնական ապրանքներն են՝
- Ոսկի,
- Դաբաղած կաշի, կաշեթաղանթ խոշոր եղջրավոր անասունների,
- Աման, շիշ լվացող կամ չորացնող, լցնող, փակող, պիտակավորող, ծրարող, ըմպելիք գազավորող մեքենա,
- Թանկարժեք և կիսաթանկարժեք քարեր,
- Սննդամթերքի կամ ըմպելիքի արդյունաբերական պատրաստման սարքավորում,
Աճել է և՛ արտահանումը, և՛ ներմուծումը։
2022 թվականին Հայաստանից Թուրքիա արտահանումը կազմել է 61․2 մլն դոլար, ինչը նախորդ տարվա համեմատ աճել է 139 անգամ (2021թ․ կազմել է 0․44 մլն դոլար), իսկ թուրքական ապրանքների ներմուծումն ավելացել է 3,6 անգամ։ Նախորդ տարի Հայաստան է ներմուծվել 263,3 մլն դոլարի թուրքական արտադրանք, իսկ 2021 թվականին՝ 73 մլն դոլարի։
Հիշեցնենք, որ 2021 թվականին դեռևս գործում էր Հայաստանի կողմից թուրքական ապրանքների համար սահմանված Էմբարգոն։
Մանրամասները՝ տեսանյութում։
Անժելա Պողոսյան
