17.12.2025 | 23:55
ՊՍԺ-ն՝ Միջմայրցամաքային գավաթի հաղթող․ ՏԵՍԱՆՅՈՒԹ
Անկարայի նահանգապետարանն արգելել է Հայոց ցեղասպանությանը նվիրված քննարկման անցկացումը
Քաղաքականություն
25.04.2023 | 20:22
Անկարայի նահանգապետարանն ապրիլի 24-ին արգելել է «Մի՛ մոռացիր, դեմք. 1915» խորագրով քննարկման անցկացումը, որը կազմակերպել էր Ժողովուրդների դեմոկրատական կոնգրեսի (HDK) Անկարայի նահանգային կառույցը՝ նվիրված Հայոց ցեղասպանության 108-րդ տարելիցին, գրում է Duvar-ը։
Ավելի վաղ աջ ծայրահեղական «Հաղթանակ» կուսակցության առաջնորդ Ումիթ Օզդաղը թիրախավորել էր քննարկման մասնակիցներին՝ հետազոտող և գրող Քադիր Աքընին, ակտիվիստ Քայուշ Չալըքման Գավրիլոֆին և Կանաչների ձախ կուսակցության պատգամավորի թեկնածու Էմիրալի Թյուրքմենինին։
Նահանգապետարանն իր հայտարարության մեջ Հայոց ցեղասպանության մասին խոսելիս օգտագործել է «այսպես կոչված» արտահայտությունը։ Միջոցառումը համարվել է « ոչ պատշաճ»՝ որպես «խաղաղության և անվտանգության, անձնական անձեռնմխելիության, անվտանգության և հասարակական բարօրության սպառնալիք»:
Հիշեցնենք, որ Ստամբուլի նահանգապետարանը ևս հայերին արգելել էր Հայոց ցեղասպանության զոհերի ոգեկոչման միջոցառում անցկացնել։
Էմմա Չոբանյան
