24.11.2024 | 21:00
«Կանաչ» հիմնադրամներից շատերն այնքան էլ կանաչ չեն. ապաքաղաքական զրույց Ինգա Զարաֆյանի հետ․ ՏԵՍԱՆՅՈՒԹ
Մեզ համար հիմա առաջնային է բոլորիս համախմբումն ու հզոր երկրի կառուցումը․ Շիրակի մարզպետ
Քաղաքականություն
24.04.2023 | 18:27
Շիրակի մարզում Հայոց ցեղասպանության 1,5 մլն անմեղ զոհերի հիշատակը հարգեցին Գյումրու Սուրբ Յոթ վերք եկեղեցում ոգեկոչման պատարագ մատուցելով, այնուհետ՝ Բագրատունյաց պուրակում գտնվող «Վերածնունդ» հուշակոթողի ու Ջարդի կամ Հերհերի ձորում զոհերի հիշատակը հավերժացնող հուշարձանի մոտ ծաղիկներ խոնարհելով։
Շիրակցի բարձրաստիճան պաշտոնյաներից, ուժային կառույցների ներկայացուցիչներից, ԱԺ պատգամավորներից բացի, Ջարդի ձոր էին այցելել նաև Գյումրիում Ռուսաստանի Դաշնության հյուպատոսարանի, 102-րդ ռազմաբազայի ու ռուս սահմանապահ զորքերի ներկայացուցիչներ, ռուս հոգևորականներ։ Պատարագն այս անգամ չմատուցվեց Շիրակի հոգևոր առաջնորդ Միքայել արքեպիսկոպոս Աջապահյանի ձեռամբ։ Ջարդի ձորում Շիրակի մարզպետ Մուշեղ Մուրադյանը լրագրողների հետ զրույցում ասաց․
«Հայոց ցեղասպանության զոհերի հիշատակի ոգեկոչման այս օրը մենք կրկին ու կրկին հիշում, խնկարկում ենք անմեղ զոհերի հիշատակը, վերստին հաստատում ենք մեր կամքն ու պատրաստակամությունը պայքարելու հայոց ցեղասպանության ճանաչման համար, պայքարելու մարդկության դեմ ուղղված ցանկացած հանցագործության և ոճրագործության դեմ։ Իսկ մեզ համար հիմա առաջնային ու կարևոր պետք է լինի բոլորիս ջանքերի համախմբումը, հզոր երկրի կառուցումը»։
Արմիկ Մովսիսյան
