16.11.2024 | 15:01
Սպանություն՝ բուժհաստատության բակում. ձերբակալվել է նույն հաստատության նախկին բուժառուն. ՔԿ
Սրբուհի Գալյանը` Վլադիմիր Գասպարյանի` առանձնատունը պետությանը վերադարձնելուց հրաժարվելու մասին․ ՏԵՍԱՆՅՈՒԹ
Հասարակություն
24.04.2023 | 11:05
Ապօրինի ծագում ունեցող գույքի բռնագանձման վերաբերյալ 30–ից ավելի հայցադիմում կա դատարանում։ Ծիծեռնակաբերդում լրագրողների հետ զրույցում այս տեղեկությունը հայտնեց ՀՀ գլխավոր դատախազի` ապօրինի ծագում ունեցող գույքի բռնագանձմանն ուղղված գործառույթների ոլորտը համակարգող տեղակալ Սրբուհի Գալյանը։
Նրա խոսքով՝ մինչ օրս աղմկահարույց գործերով դատավճիռներ չկան, քանի որ դրանք բոլորը դատաքննության փուլում են։
«Ներկայում մենք 30-ից ավելի հայցադիմում ունենք դատարանում, և այդ գործերով դատական նիստերը կայանում են։ Լրատվամիջոցները կարող են գալ և պարզաբանել այդ գործերը, մենք էլ ենք ցանկանում, որպեսզի հանրությունը տեղյակ լինի այդ գործերի ընթացքից։ Դատախազությունն անում է ամեն հնարավորը, մենք ունենք ժամկետներ և գործում ենք դրանց սահմաններում»,– նշեց Գալյանը։
Անդրադառնալով հարցին, թե, օրինակ, ՀՀ երկրորդ նախագահ Ռոբերտ Քոչարյանի ունեցվածքի հետ կապված ուսումնասիրություն կա՞ դատախազությունում, դատախազը նշեց, որ` ինքը չի կարող ասել` որ գործով ուսումնասիրություն կա, որ գործով չկա, քանի որ պետք է սահմանված օրենքի համաձայն՝ պահպանի գաղտնիությունը։
Դատախազն անդրադառնալով այն հարցին, թե ինչ է անելու դատախազությունն այն դեպքում, երբ Վլադիմիր Գասպարյանը հրաժարվում է իր առանձնատունը պետությանը վերադարձնել, ակնարկեց ԴԱՀԿ ծառայության մասին։
Մանրամասները՝ տեսանյութում։
